Batumelebi | ძველ ბათუმში 245 კვ.მ ფართობს მერია 1,2 მილიონ ლარად უპირობო აუქციონზე ყიდის ძველ ბათუმში 245 კვ.მ ფართობს მერია 1,2 მილიონ ლარად უპირობო აუქციონზე ყიდის – Batumelebi
ნეტგაზეთი • RU

ძველ ბათუმში 245 კვ.მ ფართობს მერია 1,2 მილიონ ლარად უპირობო აუქციონზე ყიდის

ძველ ბათუმში, ოთარ ჭილაძის [ყოფილი ელიავას] ქუჩაზე მდებარე სახლში, 245 კვ.მ არასაცხოვრებელ ფართობს მერია აუქციონზე უპირობოდ ყიდის.

ელექტრონული აუქციონი გასულ წელსაც იყო გამოცხადებული, თუმცა არ შედგა. მასში მონაწილეობა არავინ მიიღო.

ქონების [არასაცხოვრებელი ფართობისა და მასზე წილობრივად დამაგრებული მიწის ნაკვეთის] საწყისი გასაყიდი ფასი უცვლელია – 1 217 176 ლარი, ბიჯი – 35 000 ლარი.

აუქციონი დაწყებულია და ის 2022 წლის 26 იანვარს დასრულდება.

ადგილი ძველ ბათუმში, ჭილაძის ქუჩაზე, სადაც მერია არასაცხოვრებელ ფართობს უპირობო აუქციონზე ყიდის

პირობის მიხედვით, „აუქციონში გამარჯვებული ვალდებულია, აუქციონში გამარჯვების თაობაზე შესაბამისი შეტყობინების მიღებიდან 3 სამუშაო დღის ვადაში გამოცხადდეს ბათუმის მერიის მუნიციპალური ქონების და სერვისების მართვის სამსახურში და ნასყიდობის ხელშეკრულების დასადებად წარადგინოს შესაბამისი დოკუმენტაცია. ნასყიდობის ხელშეკრულება უნდა დაიდოს აუქციონში გამარჯვების დამადასტურებელი ოქმის შედგენიდან 15 კალენდარული დღის ვადაში,  ხოლო აუქციონზე შეძენილი ქონების ღირებულების გადახდა სრულად უნდა განხორციელდეს  ნასყიდობის ხელშეკრულების გაფორმებიდან 15 დღის ვადაში“.

ამავე თემაზე „ბათუმელების“ არქივიდან:

სახლი ძველ ბათუმში, რომლის 1 კვ/მეტრს 4 968 ლარად ყიდის მერია  

ნეტგაზეთის მასალების სხვა გამოცემებში გადაბეჭდვის წესი
ავტორი
თედო ჯორბენაძე, ჟურნალისტი მობ.: 599 139 412 ელ/ფოსტა: tedobatumi@gmail.com