ექიმ დავით მურვანიძის დასახმარებლად საქველმოქმედო გამოფენა-გაყიდვა გაიმართა

სტუდია „ხელოვნების სახლმა“ 26 დეკემბერს საქველმოქმედო გამოფენა-გაყიდვა მოაწყო ექიმ დავით მურვანიძის დასახმარებლად.

„ხელოვნების სახლის“ საქველმოქმედო გამოფენაზე 4-დან 16 წლამდე ბავშვების ნამუშევრები იყო გამოფენილი.

„დავით მურვანიძის შესახებ ფეისბუქზე გავიგეთ, იგი ავად არის და ფინანსური მხარდაჭერა სჭირდება, ამიტომ საქველმოქმედო გამოფენა-გაყიდვის მოწყობა გადავწყვიტეთ.

შესაწირი ყუთი გვქონდა, სადაც ადამიანები იმდენ თანხას აგდებდნენ, რამდენის სურვილიც ჰქონდათ. გამოფენილი ნამუშევრებისთვის არ გვქონდა კონკრეტული ღირებულება მინიჭებული.

ბავშვებს გააზრებული ჰქონდათ, რომ მათი ნამუშევრები ქველმოქმედებისთვის იყიდებოდა. გამოფენაზე გამოტანილი იყო ვიტრაჟული ნამუშევრები, ტილოზე შესრულებული ნახატები, დეკუპაჟი და სხვა ნივთები თავისი ჩარჩოებით“, – ამბობს ჯული ნემსაძე, „ხელოვნების სახლის“ თანამესაკუთრე.

გამოფენას უსასყიდლოდ უმასპინძლა ხელოვნების უნივერსიტეტმა.

___________________________

დავით მურვანიძის დახმარების მსურველებს თანხის ჩარიცხვა შეგიძლიათ ანგარიშის ნომრებზე:

TBC

#GE43TB7257745063600009
მიმღები: დავით მურვანიძე

VTB
#GE94VT5500000097873601
მიმღები: თამარ მურვანიძე (შვილი)