ნეტგაზეთი • RU

ქობულეთში კერძო სახლის მეორე სართულზე ხანძარი გაჩნდა

ხანძარი იყო დღეს, 20 დეკემბერს, ქობულეთში, აღმაშენებლის გამზირზე.

ცეცხლი კერძო სახლის მეორე სართულზე გაჩნდა. 

საგანგებო სიტუაციების მართვის სამსახურის ინფორმაციით, შემთხვევის ადგილზე სახანძრო-სამაშველო სამსახურის ჯგუფები და  სასწრაფო სამედიცინო დახმარების სამსახური იყო მობილიზებული. 

შემთხვევას მსხვერპლი არ მოჰყოლია. ქობულეთის მერიის ცნობით, სახლის მეპატრონეს მსუბუქი დამწვრობა ჰქონდა, რომელიც თვითონ დაიმუშავა. 

ხანძრის მიმდებარე ტერიტორია დაიკვამლა. გადაკეტეს ცენტრალური გზაც. 

ამ დროისთვის ხანძარი ჩამქრალია.  

ნეტგაზეთის მასალების სხვა გამოცემებში გადაბეჭდვის წესი
ავტორი