Batumelebi | ბათუმის მერმა მრჩეველთა საბჭო შექმნა ბათუმის მერმა მრჩეველთა საბჭო შექმნა – Batumelebi
RU | GE  

ბათუმის მერმა მრჩეველთა საბჭო შექმნა

ბათუმის მერის, გიორგი ერმაკოვის, 2016 წლის 2 მარტის ბრძანებით, ბათუმის მერის სათათბირო ორგანო – სამოქალაქო მრჩეველთა საბჭო შეიქმნა. საბჭოს შემადგენლობაში არიან არასამთავრობო ორგანიზაციების წარმომადგენლებიც. საბჭოს თავმჯდომარე იქნება ვლადიმერ ბალაძე – ბსუ-ს სრულო პროფესორი. მისი მოადგილე კი „დემოკრატიის ინსტიტუტის“ პროექტების მენეჯერი ტიტე აროშიძეა.

საბჭოს შემადგენლობაში იქნება 10 წევრი: ომარ მახარაძე და ვლადიმერ ღლონტი (ბსუ-ს პროფესორები), ბელა ქებურია (პოეტი), მაია სურმანიძე (ექიმი), მაყვალა რომანაძე (პედაგოგი), ავთანდილ ცხადაძე (ინჟინერ-ეკონომისტი), ლაშა ნაკაშიძე (გაეროს განვითარების პროგრამა მწვანე ქალაქები), ასლან ჭანიძე (თავისუფალ ჟურნალისტთა სახლი), თამაზ მჟავანაძე (შშმ პირთა უფლებებისთვის), მეგი ზაქარაძე (სტუდენტი).

დებულების მიხედვით, საბჭო იკრიბება საჭიროებიდან გამომდინარე ნებისმიერ დროს, მაგრამ არანაკლებ 3 თვეში ერთხელ.

მერი ვალდებულია საბჭოს განსახილველად წარუდგინოს ბათუმის ბიუჯეტი თუ სხვა მნიშვნელოვანი დოკუმენტები. საბჭოს შეუძლია თავისი რეკომენდაციები გაუზიაროს მერს, მაგრამ მერი არ არის ვალდებული, საბჭოს რეკომენდაციები გაიზიაროს.

საბჭოს წევრების საქმიანობა არ არის ანაზღაურებადი.

ნეტგაზეთის მასალების სხვა გამოცემებში გადაბეჭდვის წესი
ავტორი
ეთერ თურაძე არის გაზეთ "ბათუმელების" მთავარი რედაქტორი 2001 წლიდან