Batumelebi | ბათუმში არჩევნებზე ამომრჩეველთა 52 პროცენტი მივიდა ბათუმში არჩევნებზე ამომრჩეველთა 52 პროცენტი მივიდა – Batumelebi
ნეტგაზეთი • RU

ბათუმში არჩევნებზე ამომრჩეველთა 52 პროცენტი მივიდა

ცესკოს მონაცემებით, ადგილობრივი თვითმმართველობის არჩევნების მეორე ტურში ბათუმში ამომრჩეველთა 52 პროცენტმა მიიღო მონაწილეობა, 0,36 პროცენტით ნაკლებმა პირველ ტურთან შედარებით.

კერძოდ, დღეს, 30 ოქტომბერს, ადგილობრივი თვითმმართველობის არჩევნების მეორე ტურში ბათუმში მონაწილეობა მიიღო ამომრჩეველთა 52 პროცენტმა – 76 944 ამომრჩეველმა, ხოლო 2 ოქტომბერს, პირველ ტურში – ამომრჩეველთა 52.36 პროცენტმა – 77 494 ამომრჩეველმა.

2021 წლის ადგილობრივი თვითმმართველობის არჩევნებზე ბათუმში სულ 147 964 ამომრჩეველი იყო რეგისტრირებული, გახსნილი იყო 105 საარჩევნო უბანი.

რაც შეეხება მთელი ქვეყნის მონაცემებს, ცესკოს მონაცემებით, არჩევნების მეორე ტურში მონაწილეობა მიიღო ამომრჩეველთა 49.09 პროცენტმა.

ნეტგაზეთის მასალების სხვა გამოცემებში გადაბეჭდვის წესი
ავტორი
ნანა კვაჭაძე, ჟურნალისტი ელფოსტა: kvachadze.n@gmail.com