Batumelebi | ბათუმსა და ხელვაჩაურში 5 სკოლა ისევ დისტანციურ სწავლებაზეა – კოვიდი ბათუმსა და ხელვაჩაურში 5 სკოლა ისევ დისტანციურ სწავლებაზეა – კოვიდი – Batumelebi
RU | GE  

ბათუმსა და ხელვაჩაურში 5 სკოლა ისევ დისტანციურ სწავლებაზეა – კოვიდი

აჭარის განათლების სამინისტროს ინფორმაციით, აჭარაში დისტანციურ სწავლებაზე 5 სკოლა რჩება. სამინისტროს განცხადებით, ხელვაჩაურის სკოლა, რომელიც კოვიდის გამოვლენის გამო დისტანციურ სწავლებაზე იყო გადასული, უკვე დაუბრუნდა საკლასო ოთახებში სწავლებას.  5 სკოლის გარდა დისტანციურად სწავლობს 109 კლასი.

„ბოლო კვირის მონაცემებით, ვირუსი დაუდასტურდა სკოლაში დასაქმებული პერსონალის 0,68 და მოსწავლეების 0,45 პროცენტს. რეგიონში კვლავ გრძელდება ვაქცინაციის პროცესი. ამ ეტაპისთვის აცრილია მასწავლებლებისა და სკოლის ადმინისტრაციული პერსონალის 82 პროცენტი,“-ამბობს სამინისტრო.

რაც შეეხება საბავშვო ბაღებს, აჭარის ჯანდაცვის სამინისტროს ინფორმაციით, კორონავირუსის გამო აჭარაში 6 ბაღი და 16 ცალკეული ჯგუფი დაიხურა.

22 ოქტომბრის მონაცემებით, ბოლო 24 საათის განმავლობაში კორონავირუსის 4155 ახალი შემთხვევა დადასტურდა ქვეყანაში, გარდაიცვალა 40 პაციენტი.

ნეტგაზეთის მასალების სხვა გამოცემებში გადაბეჭდვის წესი
ავტორი
ლელა დუმბაძე, ჟურნალისტი. ტელ: [0042] 27 45 12. lelabatumelebi@gmail.com