კოვიდის შემთხვევების მატების გამო აჭარაში სხვადასხვა სკოლაში 46 კლასი ონლაინსწავლებაზე გადავიდა.
- ბათუმში დაიხურა 28 კლასი
- ქობულეთში – 15 კლასი
- ქედაში – 2 კლასი
- შუახევში – ერთი კლასი
დახურულია ერთი სკოლა ხელვაჩაურში.
საბავშვო ბაღები
აჭარაში დახურულია ორი საბავშვო ბაღი, ერთი ბათუმში, ერთი კი – ხულოში.
ბათუმის საბავშვო ბაღებში ასევე დახურულია 7 ჯგუფი, ქობულეთში – 5 ჯგუფი ქედაში კი – ორი ჯგუფი.
12 ოქტომბრის მონაცემებით, აჭარაში კორონავირუსი 225 ადამიანს დაუდასტურდა, გარდაიცვალა 3 ადამიანი. ქვეყნის მასშტაბით, კორონავირუსის 4774 ახალი შემთხვევა დაფიქსირდა, გარდაიცვალა 37 ადამიანი.
დადებითობის მაჩვენებელი ბოლო 24 საათზე 10.1%-მდე გაიზარდა.
