Batumelebi | ქედის მერობისთვის 3 კანდიდატი იბრძვის ქედის მერობისთვის 3 კანდიდატი იბრძვის – Batumelebi
RU | GE  

ქედის მერობისთვის 3 კანდიდატი იბრძვის

2 ოქტომბრის ადგილობრივი თვითმმართველობის არჩევნებზე ქედის მუნიციპალიტეტში მერობის 3 კანდიდატია რეგისტრირებული.

მერობის კანდიდატი ჰყავს ოპოზიციურ გაერთიანებას (რომელშიც შედიან: „ერთიანი ნაციონალური მოძრაობა“, „დროა“, „ლელო“ და სხვა ოპოზიციური პარტიები); „ქართულ ოცნებას“ და პარტიას – „გახარია – საქართველოსთვის“.

კანდიდატების ჩამონათვალი მოცემულია საარჩევნო ნომრის მიხედვით.

  • რამინ ბერიძე  – „ერთიანი ნაციონალური მოძრაობა“

რამინ ბერიძე ქედის ჯერ კიდევ მოქმედი საკრებულოს წევრია. იგი პროფესიით იურისტია.

ბერიძე 2004-2005 წელს შპს „ქედის ბეთლემის“ დირექტორი იყო, 2005 წლიდან 2008 წლამდე კი – ქედის მუნიციპალიტეტის ცხმორისის თემში რწმუნებულის მოადგილე.

რამინ ბერიძე

  • ელგუჯა ნაკაშიძე – „გახარია – საქართველოსთვის“

ელგუჯა ნაკაშიძე გახარიამ წარადგინა, როგორც ჰიდროელექტროსადგურის ყოფილი დირექტორი. ნაკაშიძე 1998-2004 წლებში მართავდა აჭარის ჰიდროელექტროსადგურს, შემდეგ კი, სხვადასხვა წლებში, მუშაობდა აჭარის ენერგოკომპანიაში, ქედის საკრებულოში და აჭარის უმაღლეს საბჭოში – მოწვეულ კონსულტანტად.

იგი პროფესიით ინჟინერია.

ელგუჯა ნაკაშიძე

  • როლანდ ბერიძე – „ქართული ოცნება – დემოკრატიული საქართველო“

როლანდ ბერიძე ამ დრომდე ქედის მერის მოადგილეა. მანამდე ბერიძე აჭარის საავტომობილო გზების მართვის დეპარტამენტში, სახელმწიფო შესყიდვების განყოფილებაში მუშაობდა. უფრო ადრე კი „პსპ“ ჯგუფის სარევიზიო – საკონტროლო სამსახურის რევიზორი იყო.

როლანდ ბერიძე პროფესიით მათემატიკოსია.

როლანდ ბერიძე

 

ნეტგაზეთის მასალების სხვა გამოცემებში გადაბეჭდვის წესი
ავტორი
ნანა კვაჭაძე, ჟურნალისტი ელფოსტა: kvachadze.n@gmail.com