Batumelebi | ცხელ ხაზზე 40-მდე ზარი შევიდა – კოკისპირული წვიმა ბათუმში ცხელ ხაზზე 40-მდე ზარი შევიდა – კოკისპირული წვიმა ბათუმში – Batumelebi
ნეტგაზეთი • RU

ცხელ ხაზზე 40-მდე ზარი შევიდა – კოკისპირული წვიმა ბათუმში

ბათუმში წუხელ კოკისპირული წვიმის შედეგად ქალაქის ქუჩები, ეზოები, დაბალსართულიანი სახლები და სავაჭრო ობიექტები დაიტბორა.

კომპანია „ბათუმის წყლის“ ინფორმაციით, ამ დროისთვის ყველაზე მეტად დატბორილია ბაგრატიონის, თავდადებულის და გიორგი ბრწყინვალის ქუჩები.

ცხელ ხაზზე დატბორვის შესახებ 40-მდე ზარი შევიდა.

„ამ წუთებში მიმდინარეობს ყველაზე პრობლემური ადგილების ამოტუმბვითი სამუშაოები. საგანგებო რეჟიმში მუშაობენ ჯგუფები და სპეცტექნიკა, იწმინდება სანიაღვრე არხები და ცხაურები, ჩართულია სამაშველო სამსახურის ჯგუფებიც“ – გვითხრეს „ბათუმის წყლის“ პრესსამსახურში.

დატბორილია ხელვაჩაურის ქუჩებიც, ეზოებში წყალი დგას.

ამავე თემაზე: 

ძლიერი წვიმის შედეგად ბათუმის ქუჩები დაიტბორა | ფოტო

ნეტგაზეთის მასალების სხვა გამოცემებში გადაბეჭდვის წესი
ავტორი
ნანა კვაჭაძე, ჟურნალისტი ელფოსტა: kvachadze.n@gmail.com