Batumelebi | კოვიდზე აცრის ლატარიაში აჭარაში ფული 16-მა პირმა მოიგო კოვიდზე აცრის ლატარიაში აჭარაში ფული 16-მა პირმა მოიგო – Batumelebi
RU | GE  

კოვიდზე აცრის ლატარიაში აჭარაში ფული 16-მა პირმა მოიგო

ლატარია „აიცერი და მოიგეში“ დღეს, 15 სექტემბერს, აჭარაში 16-მა ადამიანმა მოიგო თანხა.

ბათუმში ერთმა ადამიანმა მოიგო 500 ლარი, 11-მა კი – 100 ლარი.

100 ლარი მოიგო ასევე ორმა პირმა ქობულეთში, შუახევსა და ქედაში კი – თითო-თითომ.

კორონავირუსის საწინააღმდეგო ვაქცინაციის წამახალისებელი ლატარიის გათამაშება მთავრობამ 13 სექტემბერს დაიწყო.

ყოველდღიურად თამაშდება 100-დან 500-მდე ლარი მოგება, ყოველკვირეულად 1000-დან 10 000-მდე, ხოლო შემაჯამებელ გათამაშებაში, რომელიც 2021 წლის 31 დეკემბერს ტელეეთერში გაიმართება, გათამაშდება 100 000 ლარი.

მოიგე თუ არა თანხა, ამის გადამოწმება შესაძლებელია ვებგვერდზე. 

 

ნეტგაზეთის მასალების სხვა გამოცემებში გადაბეჭდვის წესი
ავტორი
ლელა დუმბაძე, ჟურნალისტი. ტელ: [0042] 27 45 12. lelabatumelebi@gmail.com