Batumelebi | როგორ გადაურჩა სტამბოლში ორი მატარებელი შეჯახებას | ფოტოამბავი როგორ გადაურჩა სტამბოლში ორი მატარებელი შეჯახებას | ფოტოამბავი – Batumelebi
RU | GE  

როგორ გადაურჩა სტამბოლში ორი მატარებელი შეჯახებას | ფოტოამბავი

8 სექტემბერს სტამბოლში ორი მატარებელი შეჯახებას გადაურჩა.

თურქული მედიის ცნობით, შეჯახების თავიდან აცილება წამებში გახდა შესაძლებელი. მემანქანემ ბოლო მომენტში შეძლო მატარებლის დამუხრუჭება და სარკინიგზო კატასტროფის თავიდან აცილება.

მატარებელი საკარის პროვინციიდან სტამბოლის ერთ-ერთ რაიონში მიდიოდა, როცა ლიანდაგზე პირდაპირ შეხვდა ჩქაროსნულ მატარებელს. დამუხრუჭების დროს რამდენიმე მგზავრი დაშავდა.

გამოცემა „დეილი საბაჰის“ ინფორმაციით, ჯერჯერობით უცნობია, რატომ მოძრაობდა ორივე მატარებელი ერთ ლიანდაგზე საპირისპირო მიმართულებებით.

თურქული მედიის ცნობით, ორი ათწლეულის განმავლობაში თურქეთში 100-მდე ადამიანი დაიღუპა სარკინიგზო კატასტროფის შედეგად.

____________

ფოტო: dailysabah.com

ნეტგაზეთის მასალების სხვა გამოცემებში გადაბეჭდვის წესი
ავტორი
ნანა კვაჭაძე, ჟურნალისტი ელფოსტა: kvachadze.n@gmail.com