Batumelebi | გამყრელიძე ამბობს, რომ კოვიდის დღევანდელი სტატისტიკა არაზუსტია გამყრელიძე ამბობს, რომ კოვიდის დღევანდელი სტატისტიკა არაზუსტია – Batumelebi
RU | GE  

გამყრელიძე ამბობს, რომ კოვიდის დღევანდელი სტატისტიკა არაზუსტია

დაავადებათა კონტროლისა და საზოგადოებრივი ჯანდაცვის ეროვნულმა ცენტრმა დღეს, 7 სექტემბერს, გაავრცელა ინფორმაცია, რომ გასული 24 საათის განმავლობაში საქართველოში კოვიდის 1965 ახალი შემთხვევა დადასტურდა და 50 ადამიანი გარდაიცვალა, თუმცა დღესვე, ცენტრის დირექტორმა, ამირან გამყრელიძემ განაცხადა, რომ ეს რეალური რიცხვი არ არის და ახალი შემთხვევების რაოდენობა გაცილებით მეტია.

„დღევანდელი მაჩვენებელი – 1965 შემთხვევა არ არის რეალური ციფრი,“ – თქვა საკოორდინაციო საბჭოს სხდომის შემდეგ ამირან გამყრელიძემ. მან განმარტა, რომ სერვერების შეფერხება დაფიქსირდა და დღიური ინფიცირების ზუსტი მონაცემი ამ დრომდე უცნობია.

„ბოლო 3 კვირა არის ტენდენცია ეპიდსიტუაციის გაუმჯობესების ნელი ტემპით, მაგრამ ეს გრძელდება… რეალურად უნდა ყოფილიყო კლება, მაგრამ პროგნოზის მიხედვით, დღეს უნდა ყოფილიყო 3500 – 3700. სამშაბათს, როგორც წესი, გვაქვს მატება,“ – აღნიშნა ამირან გამყრელიძემ.

დაავადებათა კონტროლის ცენტრის დირექტორის თქმით, დიაგნოსტიკის პორტალს ჰქონდა შეზღუდული წვდომა სერვერთან და „ყველა შედეგი არ არის ატვირთული“.

„ნეტა ვცდებოდე მე დღეს,“- დასძინა ამ თემაზე საუბრის დროს ამირან გამყრელიძემ.

განახლებულ კოვიდსტატისტიკას „ბათუმელები“ მიღებისთანავე გამოაქვეყნებს.

ნეტგაზეთის მასალების სხვა გამოცემებში გადაბეჭდვის წესი
ავტორი