Batumelebi | ღარიბაშვილი ჟურნალისტებს: გირჩევთ, ჩემთან დებატებში არ შემოხვიდეთ ღარიბაშვილი ჟურნალისტებს: გირჩევთ, ჩემთან დებატებში არ შემოხვიდეთ – Batumelebi
RU | GE  

ღარიბაშვილი ჟურნალისტებს: გირჩევთ, ჩემთან დებატებში არ შემოხვიდეთ

„მე გირჩევთ, რომ ჩემთან არ შემოხვიდეთ დებატებში,“ – მიმართა დღეს, 5 სექტემბერს, ჟურნალისტებს პრემიერმა ირაკლი ღარიბაშვილმა, როცა მან პოლიტიკურ ოპონენტებს „დიკრედიტებული“ და „მარგინალები“ უწოდა, ხოლო ჟურნალისტებმა მას ჰკითხეს, აგრესიაც ივანიშვილის დავალება ხომ არ იყო.

„ეს ტონი არ არის, მე მოსახლეობას ვუხსნი, სიმართლეს ვეუბნები მოსახლეობას…“, – დასძინა ირაკლი ღარიბაშვილმა.

პოლიტიკოსების კრიტიკამდე ღარიბაშვილმა „ტვ პირველი“ გააკრიტიკა და მას „სააკაშვილის ტელევიზია“ უწოდა. ირაკლი ღარიბაშვილმა ასევე ფაბრიკაცია უწოდა ბიძინა ივანიშვილის პირად სატელეფონო ჩანაწერებს, რაც გუშინ, 4 სექტემბერს გამოაქვეყნა „ტვ პირველმა“.

„თქვენ ხართ „რეალ TV “ჩვეულებრივი, როგორიც იყო 2012 წელს ვანო მერაბიშვილის ტელევიზია, თქვენ ხართ ჩვეულებრივი ნაცმოძრაობის ტელევიზია. ფალსიფიკაცია, გაყალბება, ფაბრიკაცია – ეს არის თქვენი ხელწერა…“ – მიმართა ირაკლი ღარიბაშვილმა „ტვ პირველის“ ჟურნალისტს.

 

ნეტგაზეთის მასალების სხვა გამოცემებში გადაბეჭდვის წესი
ავტორი