დღეს, 17 აგვისტოს, ბათუმში კოვიდით გარდაიცვალა მონაზონი, რომელიც სარფის დედათა მონასტერში მსახურობდა.
ინფორმაციას მონაზვნის გარდაცვალების შესახებ ბათუმისა და ლაზეთის ეპარქია ავრცელებს.
„ბათუმისა და ლაზეთის ეპარქია ღრმა მწუხარებას გამოთქვამს, რომ გარდაიცვალა სარფის წმინდა იოანე ღვთისმეტყველის სახელობის დედათა მონასტრის მონაზონი სოსანა (ვასაძე).
„სულმან მისმან კეთილთა შინა განისვენოს და ნათესავმან მისმან დაიმკვიდროს ქვეყანა“ – ვკითხულობთ ბათუმისა და ლაზეთის ეპარქიის განცხადებაში.
მონაზონი კოვიდის დიაგნოზით დღეს შეიყვანეს ბათუმის რესპუბლიკურ საავადმყოფოში. როგორც კლინიკაში გვითხრეს, იგი მძიმე მდგომარეობაში იყო და კლინიკაში მიყვანიდან მოკლე ხანში გარდაიცვალა.
_____________
ფოტო: ბათუმისა და ლაზეთის ეპარქია
