თურქეთში, შავი ზღვის სანაპირო რაიონებში, წყალდიდობის შედეგად დაღუპული ადამიანების რაოდენობა გაიზარდა. ბოლო ცნობების თანახმად, კასტამონუს პროვინციაში წყალდიდობის შედეგად 50 ადამიანი დაიღუპა, სინოპში – 9 ადამიანი, ხოლო ბართინის პროვინციაში – 1 პირი.
წყალდიდობის გამო ორი ათასზე მეტი ადამიანია ევაკუირებული.
კოკისპირულმა წვიმამ თურქეთში წყალდიდობა გამოიწვია. ქვეყნის პრეზიდენტმა, რეჯეპ ტაიპ ერდოღანმა, დაზარალებული რეგიონები სტიქიური უბედურების ზონად გამოაცხადა.
________________
ფოტო: ევროპის პრესფოტო სააგენტო. EPA/AYTUG CAN SENCAR