Batumelebi | “ტოცილიზუმაბი”, რომელსაც კოვიდის დროს იყენებენ, კლინიკებში თანაბრად გადანაწილდება – ტიკარაძე “ტოცილიზუმაბი”, რომელსაც კოვიდის დროს იყენებენ, კლინიკებში თანაბრად გადანაწილდება – ტიკარაძე – Batumelebi
ნეტგაზეთი • RU

“ტოცილიზუმაბი”, რომელსაც კოვიდის დროს იყენებენ, კლინიკებში თანაბრად გადანაწილდება – ტიკარაძე

საქართველოს ჯანდაცვის მინისტრს, ეკატერინე ტიკარაძეს დღეს, 16 აგვისტოს ჟურნალისტებმა დეფიციტურ წამალ „ტოცილიზუმაბთან“ დაკავშირებით ჰკითხეს. ეს პრეპარატი კოვიდის დროს გამოიყენება.

ტიკარაძის თქმით, სამინისტრო შეეცდება ყველა კლინიკას თანაბრად ჰქონდეს წვდომა პრეპარატზე.

„ტოცილიზუმაბთან“ დაკავშირებით ყველა ფარმაკოლოგიურ კომპანიას აქვს დავალებული და ასევე, თვითონ მთავარ მომწოდებელს. ჩვენ გვაქვს დასტაბილურებული ფასი ამ პრეპარატთან მიმართებაში და  კლინიკებს აქვთ საშუალება, რომ შეიძინონ ეს პრეპარატი.

ასევე დაფიქსირდა პრობლემა, რომ კლინიკები ავალებდნენ პაციენტის პატრონებს პრეპარატის შეზღუდვას, ეს ყოვლად მიუღებელია. კლინიკების ვალდებულებაა, ისინი უზრუნველყოფილნი იყვნენ ყველა იმ პრეპარატით, რომელიც პაციენტების საუკეთესო ინტერესებს ემსახურება და  მათი ჯანმრთელობის უსაფრთხო გამოსავალს.

დღეს, რამდენადაც ჩვენთვის ცნობილია, პრეპარატის შემოტანა გრძელდება. გარკვეულმა კლინიკამ შეიძინა გარკვეული მარაგი, რომელიც იმ მომენტისთვის მას არ ესაჭიროებოდა. ჩვენ შევეცდებით ამ პროცესშიც მივიღოთ მონაწილეობა და მოვახდინოთ პრეპარატის თანაბარი გადანაწილება,” –  განაცხადა ეკატერინე ტიკარაძემ.

“ტოცილიზუმაბის” გამოყენების ნებართვა გარკვეული კატეგორიის ჰოსპიტალიზებულ კორონავირუსით ინფიცირებულ ავადმყოფებში აშშ-ის წამლისა და საკვების ადმინისტრაციამ FDA-მ გასცა.

 

ნეტგაზეთის მასალების სხვა გამოცემებში გადაბეჭდვის წესი
ავტორი