Batumelebi | წყალდიდობა თურქეთში ხანძრის შემდეგ – მაშველები მოხუც ქალს ეძებენ წყალდიდობა თურქეთში ხანძრის შემდეგ – მაშველები მოხუც ქალს ეძებენ – Batumelebi
RU | GE  

წყალდიდობა თურქეთში ხანძრის შემდეგ – მაშველები მოხუც ქალს ეძებენ

ძლიერმა წვიმამ წყალდიდობა გამოიწვია თურქეთის ჩრდილოეთ შავიზღვისპირა რეგიონებში. წყალდიდობამ ზიანი მიაყენა ბართინის, სინოპის, კასთამონუს და ყარაბუქის პროვინციებს.

თურქული მედიის ცნობით, დაიკარგა 85 წლის ქალი, რომლის სახლიც ადიდებულმა წყალმა  დაანგრია. მაშველები მას ჯერ კიდევ ეძებენ.

წყალდიდობამ დააზიანა სახლები, ბიზნესკომპანიები, წაიღო ავტომანქანები.

წყალდიდობის შედეგად ჩამოინგრა ხიდი, რის გამოც დაშავდა 13 ადამიანი.

მეტეოროლოგების ცნობით, ძლიერი წვიმა ამ რეგიონში ხვალაც მოსალოდნელია.

შეგახსენებთ, რომ ბოლო ორი კვირის განმავლობაში თურქეთში 200-ზე მეტ ხანძრის კერას ებრძოდნენ.

__________

ფოტო: სააგენტო „ანადოლუ“

ნეტგაზეთის მასალების სხვა გამოცემებში გადაბეჭდვის წესი
ავტორი
ნანა კვაჭაძე, ჟურნალისტი ელფოსტა: kvachadze.n@gmail.com