Batumelebi | ერდოღანის თქმით, 208 ხანძრიდან 12 დარჩა – დაკავებულია 6 ადამიანი ერდოღანის თქმით, 208 ხანძრიდან 12 დარჩა – დაკავებულია 6 ადამიანი – Batumelebi
ნეტგაზეთი • RU

ერდოღანის თქმით, 208 ხანძრიდან 12 დარჩა – დაკავებულია 6 ადამიანი

თურქეთის 44 პროვინციაში 208 ხანძრიდან 196 ხანძრის კერა ლოკალიზებულია. მეხანძრეები ამ დრომდე 12 ხანძარს ებრძვიან თურქეთის 5 პროვინციაში – ამის შესახებ თურქეთის პრეზიდენტმა განაცხადა ჟურნალისტებთან.

დღეს ცნობილი გახდა, რომ დააკავეს 6 პირი, რომლებიც მუღლაში ხანძრის გაჩენაში არიან ეჭვმიტანილი.

თურქეთის პრეზიდენტის, რეჯეპ ტაიფ ერდოღანის განცხადებით, ამჟამად ხანძრის ჩასაქრობად იყენებენ 56 სახანძრო ვეტმფრენს. ხუთი ვეტმფრენი ღამის ხედვით უკრაინამ გაგზავნა თურქეთში, ეს ვეტმფრენები დღე-ღამის განმავლობაში იქნება გამოყენებული ხანძრის ჩასაქრობად.

თურქეთს ხანძრის ჩაქრობაში ეხმარება აზერბაიჯანიც, საიდანაც ექვსასზე მეტი მეხანძრე-მაშველი ჩავიდა ხანძრებთან საბრძოლველად.

ხანძრების შედეგად თურქეთში ათამდე ადამიანი დაიღუპა, მოხდა 17 ათასამდე ადამიანის ევაკუაცია.

ნეტგაზეთის მასალების სხვა გამოცემებში გადაბეჭდვის წესი
ავტორი
ნანა კვაჭაძე, ჟურნალისტი ელფოსტა: kvachadze.n@gmail.com