ბათუმი,მთავარი,სიახლეები

კობალაძის ქუჩის შესაკეთებლად ტენდერია გამოცხადებული

01.08.2021 • 2848
კობალაძის ქუჩის შესაკეთებლად ტენდერია გამოცხადებული

ბათუმში წელს კობალაძის ქუჩის რეაბილიტაციაა დაგეგმილი. სამუშაოების შესყიდვაზე ტენდერი გამოცხადებულია. ამ ქუჩის რეაბილიტაციასთან ერთად აღმაშენებლის ქუჩაზე უსაფრთხოების კუნძულები მოეწყობა.

კობალაძის ქუჩა ბათუმში აკვაპარკთან [შ.ხიმშიაშვილის ქუჩა] იწყება და „ვოქსამდე“ [აღმაშენებლის წრიულამდე] გრძელდება. ქუჩის სიგრძე დაახლოებით ნახევარი კილომეტრია.

ქუჩების კეთილმოწყობის სამუშაოების შესყიდვაზე ბათუმის მერიის ინფრასტრუქტურისა და კეთილმოწყობის სამმართველოს ტენდერი 1 807 491 ლარით აქვს გამოცხადებული.

აღნიშნული ტენდერის ფარგლებში სხვადასხვა ადგილზე სხვადასხვა სამუშაო 2021-2022 წლებში უნდა ჩატარდეს.

კონკრეტულად:

2021 წლის 10 დეკემბრის ჩათვლით ვადაში უნდა შესრულდეს შემდეგი სამუშაოები:

  • კობალაძის ქუჩის რეაბილიტაციისა და აღმაშენებლის ქუჩაზე უსაფრთხოების კუნძულების მოწყობა
  • ფრ. ხალვაშის მე-4 ჩიხის კეთილმოწყობა
  •  ჩაქვის ქუჩის კეთილმოწყობა
  • აჭარული სახლის მიმდებარედ, ხიდის სარეგულაციო კედლების გამაგრება [ე.წ. არდაგანის ტბის წყლის ერთსა და იმავე ნიშნულზე შენარჩუნებისათვის ზღვის დონის დამჭერი ბარიერის მოწყობა]

2022 წლის 30 აპრილის ჩათვლით ვადაში კი, უნდა შესრულდეს შემდეგი სამუშაო:

  • თამარ მეფის გამზირი N47-ის მიმდებარედ სანიაღვრე არხის მოწყობა

ტენდერის პირობის მიხედვით, შესრულებული სამუშაოების საგარანტიო პერიოდი შეადგენს 24 თვეს საბოლოო მიღება-ჩაბარების აქტის გაფორმებიდან;

ამასთან, „საგარანტიო პერიოდის განმავლობაში ხარვეზის გამოვლენის შემთხვევაში მიმწოდებელი ვალდებულია შემსყიდველის მიერ დადგენილ ვადაში მოახდინოს გამოვლენილი ხარვეზის აღმოფხვრა ისე, რომ შესრულებული სამუშაოები სრულ შესაბამისობაში იყოს ხელშეკრულებით გათვალისწინებულ პირობებთან“.

ტენდერში წინადადებების მიღება 2021 წლის 11 აგვისტოს დაიწყება და 16 აგვისტოს დასრულდება.

აღმაშენებლის და ბაგრატიონის კვეთა ბათუმში / ფოტო ტენდერიდან

უსაფრთხოების კუნძულები აღმაშენებლის და ბაგრატიონის კვეთაში /ბათუმი/ ფოტო პროექტიდან

მთავარი ფოტო: კობალაძის ქუჩა ბათუმში / ფოტო ტენდერიდან

 

გადაბეჭდვის წესი


ასევე: