Batumelebi | ბათუმში ექვს ადგილას მეწყერი ჩამოწვა, ჩაინგრა სავალი გზა ბათუმში ექვს ადგილას მეწყერი ჩამოწვა, ჩაინგრა სავალი გზა – Batumelebi
RU | GE  

ბათუმში ექვს ადგილას მეწყერი ჩამოწვა, ჩაინგრა სავალი გზა

ბათუმში, თევდორე მღვდლის ქუჩის #8-10- ში უხვი ნალექის შედეგად მეწყერი ჩამოწვა და გზის სავალი ნაწილი დააზიანა.

ბათუმის მერიის ინფორმაციით, აქ მეწყრის სალიკვიდაციო სამუშაოები უკვე დასრულდა, გაიწმინდა გზა და აღდგა მოძრაობა.

მეწყერი

მერიაში ასევე განმარტეს, რომ თევდორე მღვდლის ქუჩაზე კაპიტალური სამუშაოების განსახორციელებლად, ხვალ, 28 ივლისს,  ჩატარდება გეოდეზიური სამუშაოები, მოამზადებენ საპროექტო-სახარჯთაღრიცხვო დოკუმენტაციას.

რაც შეეხება პეტრე იბერის, ნაჭყებიას, ასევე მირიან მეფის ქუჩების მიმდებარედ განვითარებულ მცირე მეწყრულ პროცესებს, აქაც  მიმდინარეობს სამუშაოები. ჩამოწოლილი მიწის მასისგან წმენდენ წმინდა ნინოს # 16-ის მიმდებარე ტერიტორიასაც.

დაზიანებული გზა

______________

მთავარ ფოტოზე: მეწყერი თევდორე მღვდლის ქუჩაზე

ნეტგაზეთის მასალების სხვა გამოცემებში გადაბეჭდვის წესი
ავტორი