Batumelebi | „დაბრალებებს არ ვიყოთ. რა ძალადობა? თინასთან ვწუხვარ“ – შალვა პაპუაშვილი „დაბრალებებს არ ვიყოთ. რა ძალადობა? თინასთან ვწუხვარ“ – შალვა პაპუაშვილი – Batumelebi
RU | GE  

„დაბრალებებს არ ვიყოთ. რა ძალადობა? თინასთან ვწუხვარ“ – შალვა პაპუაშვილი

საქართველოს პარლამენტის წევრი შალვა პაპუაშვილი ფეისბუქის პირად გვერდზე პოსტს აქვეყნებს, სადაც ის წერს, რომ „ძალადობა ის იყო, რასაც “ნაციონალური მოძრაობის” წყალობით ბევრი წელი უყურებდა ქვეყანა და დღეს კიდევ ერთხელ ვიხილეთ პარლამენტში“.

შალვა პაპუაშვილი ასევე წერს: „დაბრალებებს არ ვიყოთ. რა ძალადობა? თინასთან ვწუხვარ “.

საქმე იმაშია, რომ დღეს დეპუტატმა შალვა პაპუაშვილმა თავისი კოლეგა თინა ბოკუჩავა ძალის გამოყენებით არ მიუშვა პარლამენტის ტრიბუნასთან.

„ბათუმელებმა“ შალვა პაპუაშვილს ჰკითხა, რატომ იძალადა დღეს თავის ქალ კოლეგაზე, თინა ბოკუჩავაზე ფიზიკურად? და არის თუ არა მისი საქციელი დეპუტატის ეთიკის კოდექსის დარღვევა?

შალვა პაპუაშვილმა კითხვებს არ უპასუხა.

ნეტგაზეთის მასალების სხვა გამოცემებში გადაბეჭდვის წესი
ავტორი
ეთერ თურაძე არის გაზეთ "ბათუმელების" მთავარი რედაქტორი 2001 წლიდან