შეფასებისა და გამოცდების ეროვნული ცენტრის ინფორმაციით, დღეს, 7 ივლისს, აბიტურიენტები ინგლისური და რუსული ენების გამოცდას აბარებენ. დადასტურებული კოვიდ 19-ის დიაგნოზის გამო გამოცდაზე 30 აბიტურიენტი ვერ გამოცხადდა. ცენტრის ინფორმაციით, მათთვის გამოცდა მოგვიანებით დაინიშნება.
მთლიანობაში, კოვიდი 150-ზე მეტ აბიტურიენტს აქვს დადასტურებული.
დღევანდელ გამოცდაზე დააგვიანა 8 აბიტურიენტმა. ეს იმას ნიშნავს, რომ ისინი საგამოცდო პროცესს გამოეთიშნენ.
ხვალ, 8 ივლისს, აბიტურიენტები გერმანული და ინგლისური ენების გამოცდას ჩააბარებენ.