საქართველოს ჯანდაცვის მინისტრის მოადგილის, თამარ გაბუნიას განცხადებით, კორონავირუსზე ვაქცინირებულ პირებში ინფიცირების მაჩვენებელი დაბალია.
„ორჯერ ვაქცინირებულ პირებში ინფიცირების მაჩვენებელი ძალიან დაბალია. ასევე დაბალია ინფიცირების მაჩვენებელი ერთჯერ ვაქცინირებულ პირებში.
კორონავირუსით ინფიცირების მაჩვენებელი 0,3 პროცენტია ორჯერ ვაქცინირებულ პირებში და 0, 8 – ერთხელ ვაქცინირებულ პირებში, რაც არის კიდევ ერთი დასტური იმის, თუ რამდენად მნიშვნელოვანია ვაქცინაცია და რამდენად რეალურად დადებითი შედეგი აქვს ინფიცირების თავიდან ასაცილებლად.
კორონავირუსით გარდაცვალების არც ერთი შემთხვევა ვაქცინირებული პირების ჩვენთან არ ყოფილა და ძალიან ცოტა შემთხვევა არის უცხო ქვეყნებში დაფიქსირებული“ – განაცხადა თამარ გაბუნიამ დღეს, 6 ივლისს.
მისივე თქმით, ამ დროისთვის დაჯავშნის სისტემაში ხელმისაწვდომია კორონავირუსის 100 000 ვაქცინა მოსახლეობისთვის. საქართველოში ამ დროისათვის ვაქცინაცია „სინოვაკითა“ და „სინოფარმით“ მიმდინარეობს.
