Batumelebi | ქართველები ბათუმის ოლქიდან – გერმანელი ეთნოლოგის უცნობი ფოტოები ქართველები ბათუმის ოლქიდან – გერმანელი ეთნოლოგის უცნობი ფოტოები – Batumelebi
RU | GE  

ქართველები ბათუმის ოლქიდან – გერმანელი ეთნოლოგის უცნობი ფოტოები

ბათუმის საჯარო ბიბლიოთეკაში გერმანელი ენათმეცნიერის, ეთნოლოგისა და ფოტოგრაფის, ადოლფ დირის (1867 – 1930) უნიკალური ფოტოებია გამოფენილი.

გამოფენა ორგანიზებულია ქართული ლიტერატურის მუზეუმის მიერ გოეთეს ინსტიტუტთან და მიუნხენის ხუთი კონტინენტის მუზეუმთან ერთად.

ადოლფ დირი ტფილისში პირველად 1900 წელს ჩამოვიდა. 1902 წლიდან 1913 წლამდე ცხოვრობდა კავკასიაში, სწავლობდა კავკასიურ ენებსა და კულტურას. 1904 წელს ადოლფ დირმა ქართული და უდიური ენების გრამატიკა გამოსცა. დაწერილი  და გამოცემული აქვს მრავალი წიგნი და  ასობით სტატია.

ადოლფ დირი დამოუკიდებელ საქართველოში ჩამოვიდა 1918 წელს. ჩამოვიდა, როგორც გერმანიის საიმპერატორო დელეგაციის წევრი. გადაღებული აქვს კავკასიის ამსახველი უამრავი ფოტო, რომლებიც მიუნხენის ეთნოგრაფიულ მუზეუმშია დაცული. ამ მუზეუმს ახლა ხუთი კონტინენტის მუზეუმი ჰქვია.

ბათუმის საჯარო ბიბლიოთეკის სამკითხველო დარბაზში ადოლფ დირის ფოტოგამოფენა ერთი კვირის განმავლობაში გაგრძელდება.

ადოლფ დირის ფოტოები პირველად ქართული ლიტერატურის სახელმწიფო მუზეუმმა გახადა ხელმისაწვდომი საზოგადოებისთვის, ბათუმის საჯარო ბიბლიოთეკაში კი გამოფენა გახსნილია „საერთაშორისო გამჭვირვალობა საქართველოს” კამპანიის ფარგლებში – „ძალა ევროპაშია”.

ქართველები ბათუმის ოლქიდან

 

ქართველები ბათუმის ოლქიდან

 

აჭარლები

 

ადოლფ დირი სამეგრელოში

 

გურული

 

ლეზგები, საინგილო

 

ლეზგები, სოფელი სარიბაში, საინგილო

 

სომხები ბორჩალოდან

 

ბოთლიხელები, დაღესტანი

 

წოვათუშები

 

მეგრელი

 

 

ნეტგაზეთის მასალების სხვა გამოცემებში გადაბეჭდვის წესი
ავტორი
თამარ ნერგაძე არის "ბათუმელების" რეპორტიორი 2017 წლის ოქტომბრიდან. ტელ.: 568 81 41 75 / E-mail.: tamarnergadze123@gmail.com