Batumelebi | „გაცვლა“ – სამდღიანი ფესტივალი ბათუმში: გამოფენები, საჯარო შეხვედრები და მუსიკა „გაცვლა“ – სამდღიანი ფესტივალი ბათუმში: გამოფენები, საჯარო შეხვედრები და მუსიკა – Batumelebi
RU | GE  

„გაცვლა“ – სამდღიანი ფესტივალი ბათუმში: გამოფენები, საჯარო შეხვედრები და მუსიკა

4 ივნისს ბათუმში ფესტივალი interchanGE/„გაცვლა“ გაიხსნება.

ფესტივალის ფარგლებში დაგეგმილი გამოფენები, შეხვედრები და მუსიკალური პროგრამები ბათუმის ბულვარში, Conte Beach-ში და ბათუმის თანამედროვე ხელოვნების სივრცეში გაიმართება.

„გაცვლა“ ახალი სახელწოდებაა ფესტივალ „ბათუმის ფოტოდღეების“, რომელიც უკვე მეექვსე წელია ბათუმში იმართება.

2021 წლის ღონისძიების თემაა FRAGILE /„ფაქიზი“ –  კონცეფცია, რომელიც ეხება ადამიანის უფლებებისა და გარემოს დაცვას.

წლევანდელი მთავარი თემა აერთიანებს სამ მიმართულებას: „სახელმწიფო“, „ბუნება“ და „ადამიანი“. ფესტივალის სამი დღე თითოეულ თემას მიეძღვნება.

4 ივნისიდან 6 ივნისის ჩათვლით, დღის 3 საათიდან 9 საათამდე, ფესტივალის ფარგლებში 12 გამოფენა, 5 პრეზენტაცია, დისკუსია ავტორებთან, საუნდინსტალაცია და ორი მუსიკალური პერფორმანსი გაიმართება.

პროგრამაში მონაწილეობენ: არჩილ ქიქოძე, გიორგი კეკელიძე, გურამ ოდიშარია, მართა ბრენი (ნორვეგია), დმიტრი გავრიჩი (შვეიცარია), დუშან საროტარი (სლოვენია), ანნა ძიაფშიპა (საქართველო), მაგდა ჰუეცეკი (პოლონეთი), ჯიორჯი კოსულიჩი (იტალია), ირაკლი ძნელაძე (საქართველო).

ფესტივალზე წარმოდგენილი იქნება ფოტოსელექცია სუვონის ფოტოფესტივალიდან ახალგაზრდა ავტორების: ჰან იონგ სოოს, ლი კიუჩეოლის, პარკ ჯონგვის, ჰასეონ პარკის და ა.შ.

ფესტივალის პროგრამა ასე გამოიყურება:

4 ივნისი

ბათუმის ბულვარი, კოლონადებისა და საზაფხულო თეატრის მიმდებარე ტერიტორია, 15 საათზე 

  • გამოფენები სუვონის ფოტოფესტივალის სელექციიდან  – „ზეციური დაკრძალვა“ (ჰასეონ პარკ, კორეა); „მშიერი ტალღა“ (სვასტიკ პალი, ინდოეთი)
  • „მე ჩემი სახლი ვარ“ – აგნეშკა გოტოვალას (პოლონეთი) ნამუშევრების გამოფენა
  •  „ზამთარი თუშეთში“ – არჩილ ქიქოძის (საქართველო) ნამუშევრების გამოფენა
  • „პანორამა“ – დუშან საროტარი (სლოვენია) ნამუშევრების გამოფენა

კონტე Beach 

საჯარო საუბარი 17:00 საათზე  – „გზაზე“ –  არჩილ ქიქოძე (მწერალი, ფოტოგრაფი) და დუშან საროტარი (მწერალი, ფოტოგრაფი). მოდერატორი ზურაბ ჯავახიშვილი, ილიას სახელმწიფო უნივერსიტეტი.

ავტორები ისაუბრებენ მოგზაურობის და ფოტოგრაფიის გავლენაზე თავიანთ შემოქმედებაზე.

20:00 მუსიკალური პროგრამა  „სახლი“. აჭარის ტენიანი ტყის ხმებზე შექმნილი მუსიკალური კომპოზიციები საუნდინსტალაცია: ნინო დავაძე, რატი ბარამაძე, ნაზი ჭავჭავაძე და თამო ნასიძე. Jam session: რეზო კიკნაძე (საქსოფონი) და ანუშკა ჩხეიძე (ელექტრონული მუსიკა).

5 ივნისი 

ბათუმის ბულვარი, კოლონადებისა და საზაფხულო თეატრის მიმდებარე ტერიტორია

15:00 საათზე – „ადის“, ურბანული რევოლუცია, ჯიორჯიო კოსულიჩი დე პეშინე (იტალია)

18:00 საათზე  „მონუმენტები“, ჰან იონგ სუ (კორეა); „მე არ ვარ დამნაშავე“; ლი კუჩეოლი (კორეა); დემილიტარიზაციის ზონა, პარკ ჯონგვუ (კორეა); „ბრძოლა ქალაქ მარავისათვის“, ჯეზ აზნარი (ფილიპინები); „აღმოსავლეთ ფრონტი“, იანგ კონგ სუნი (კორეა);

კონტე Beach

16:00 საათზე საჯარო საუბარი და პრეზენტაცია. „წყლის პირას ჩვენ დავსხედით და კვლავ ავდექით“ – დმიტრი გავრიჩი (მწერალი, შვეიცარია) და ირაკლი ძნელაძე ( საქართველო).

19:00 –  „ამბებით მოთხრობილი კონფლიქტი“ – გურამ ოდიშარია (მწერალი) და ჟეუკ ლუკას კანგი (ხელოვანი, კორეა). მოდერატორი – მედეა მეტრეველი, ქართული ლიტერატურული ინიციატივა, დირექტორი. მწერალი და ხელოვანი ისაუბრებენ თავიანთ გამოცდილებაზე კონფლიქტთან მიმართებაში, კორეისა და საქართველოს მაგალითზე.

6 ივნისი 

ბათუმის ბულვარი, კოლონადებისა და საზაფხულო თეატრის მიმდებარე ტერიტორია

15:00 – „ფაქიზი“ – კონკურსში გამარჯვებული მონაწილეების გამოფენა.

თანამედროვე ხელოვნების სივრცე

15:30 საათზე – „ცარიელი ადგილი მქონდა“ – მულტიმედია პროექტი.

ბათუმის თანამედროვე ხელოვნების სივრცე 

17:00 საათზე – „ანიმა“, მაგდა ხუეჩკელი, კურატორი – კატარინა საგატოვსკა, გალერეა „იედნოსტკა“.

კონტე Beach 

18:00 საათზე – „მებრძოლი ქალები“ – მართა ბრინი (წიგნის ავტორი) და ჯენი ჯორდალი (ილუსტრატორი) მოგვითხრობენ ქალთა მოძრაობების მრავალ დრამატულ ბრძოლაზე მთელს მსოფლიოში და წარადგენენ გრაფიკულ რომანს  – WOMEN IN BATTLE-ს, რომელიც არის მათთვის, ვისაც სურს რაც შეიძლება მოკლე დროში გაეცნოს ფემინიზმის ისტორიას.

20:00 საათზე – მუსიკალური პერფორმანსი „მყინვარის მუსიკა“. გოეთეს ინსტიტუტი, საქართველო რობერტ ლიპოკი, ლილევანი, ანუშკა ჩხეიძე, ეთო გელაშვილი, ჰაიკ კაროი კარაპეტიანი.

პროგრამის შესახებ დეტალური ინფორმაცია შეგიძლიათ ნახოთ ფესტივალის ფეისბუქგვერდზე.

საქართველოში ფესტივალის ორგანიზატორია ბათუმის თანამედროვე ხელოვნების სივრცე. ფესტივალის პარტნიორები და მხარდამჭერები არიან: აჭარის განათლების, კულტურის და სპორტის სამინისტრო, ქართული ლიტერატურული ინიციატივა და კონრად ადენაუერის ფონდი, სუონის ფოტოფესტივალი და კორეის ხელოვნების საბჭო, გოეთეს ინსტიტუტი საქართველოში, ადამ მიცკევიჩის ინსტიტუტი, ნორვეგიის ლიტერატურული ფონდი, სლოვენიის წიგნის სააგენტო, ილიას სახელმწიფო უნივერსიტეტის მუსიკის ცენტრი და ა.შ.

ნეტგაზეთის მასალების სხვა გამოცემებში გადაბეჭდვის წესი
ავტორი
ნანა კვაჭაძე, ჟურნალისტი ელფოსტა: kvachadze.n@gmail.com