ელემენტები სახიფათო ნარჩენებია. ისინი შეიძლება შეიცავდეს ისეთ საშიშ ქიმიკატებს, როგორიცაა: ტყვია, ლითიუმი, კადმიუმი, თუთია და მერკური. როდესაც ელემენტები სხვა ნარჩენებთან ერთად ხვდება ან იწვის, ზიანდება მათი გარსი და მათ შემცველობაში შემავალი ტოქსიკური ქიმიკატები გარემოში იჟონება. გაჟონილი მასით შეიძლება დაბინძურდეს ნიადაგი და წყალი, ზოგიერთი ელემენტი შეიძლება დაგროვდეს ველურ ბუნებასა და ადამიანის ორგანიზმში. მიუხედავად ამისა, საქართველოში მათი უტილიზაცია არ ხდება.
მანამ, სანამ საქართველოს მთავრობა სახიფათო ნარჩენების შეგროვება-უტილიზაციის წესებს გამართავს, ამ კონკრეტული ტიპის სახიფათო ნარჩენების შეგროვებას თბილისსა და ბათუმში მოხალისე დაწესებულებები უზრუნველყოფენ. საქართველოში მომუშავე ერთ-ერთი არაკომერციული ეკო-საგანმანათლებლო პროექტის – “პარკი არ მინდა” ინფორმაციით, სხვადასხვა კაფეში შეგროვებული ელემენტები თბილისში, “ისთ ფოინთში” მდებარე შემგროვებელ პუნქტში იგზავნება, იქედან კი კომპანია Madenat Caucasus-ი შეგროვებულ ელემენტებს შემდგომი გადამუშავებისთვის აგზავნის არაბთა გაერთიანებულ საამიროებში.
“პარკი არ მინდა”: 1 გამოყენებული ელემენტი აბინძურებს 20 კვადრატულ მეტრ ნიადაგს და 400 ლიტრ წყალს. ის შეიცავს ნიადაგის ისეთ არაგანახლებად ამოწურვად ელემენტებს, რომლებიც შეგვიძლია წარმატებით გამოვიყენოთ სხვა პროდუქტების, მათ შორის, ახალი ელემენტების წარმოებისთვის. მაგალითად, 100 ელემენტისგან შეიძლება დამზადდეს 100 ფანქარი (ხის დამატებით), 1 კილოგრამი გამანოყიერებელი ან სპილენძის ყავის3 სახარში.
გადასამუშავებლად შეგიძლიათ მიიტანოთ ნებისმიერი A ტიპის ელემენტები, ნებისმიერი ზომის მრგვალი ელემენტები და ლითიუმ-იონის ელემენტები (რომლებიც ტელეფონებში გამოიყენება).
გამოყენებული ელემენტების გადასამუშავებლად ბათუმიდან გაგზავნისთვის, ელემენტები მემედ აბაშიძის 60 ნომერში მდებარე კაფე Rhino Coffee Georgia-ში შეგიძლიათ მიიტანოთ.
ელემენტების მოხმარების შესამცირებლად საუკეთესო მეთოდია იმ ელემენტების გამოყენება, რომლებიც ხელახლა იტენება.
