ბათუმის სკოლების წინ თეთრ პერანგებსა და მაისურებში გამოწყობილი ახალგაზრდები არიან. ზოგი დაბნეულია, ზოგი სევდიანი, უფრო ხშირად კი მხიარული ფუსფუსია.
„ბოლო ზარი“ ბათუმის მეორე საჯარო სკოლაში
ცოტა ხანს თუ გაჩერდები მათ სიახლოვეს, ყველაზე ხშირად ამ ფრაზას გაიგონებ: „ ახლა რა ვქნა?! – მოდი დაგაწერო“. ამ სიტყვებით ისინი ერთმანეთის მაისურებს აფერადებენ.
„ბოლო ზარი“ – 2021
კორონავირუსის პანდემიის გამო წელს მეთორმეტეკლასელებს არც ექსკურსიების უფლება აქვთ და არც საზეიმო წვეულებების გამართვის. „სასურველია, მოსწავლეებთან გამოსამშვიდობებელი ღონისძიება ღია სივრცეში გაიმართოს“- ასე გადაწყვიტა მთავრობის საკოორდინაციო საბჭომ.
პანდემიის გამო მეთორმეტეკლასელებს წვეულების გამართვის უფლება არ აქვთ.
აჭარაში წელს მე-12 კლასი 3 873-მა მოსწავლემ დაამთავრა.
კორონავირუსის პანდემიის გამო დაწესებული შეზღუდვების გამო მოსწავლეებს გამოსაშვები ღონისძიების გამართვის უფლება დახურულ სივრცეში შეზღუდული აქვთ.
მეთორმეტეკლასელების რაოდენობა რეგიონების მიხედვით აჭარაში.
