უწყებათაშორისი საკოორდინაციო საბჭო მოუწოდებს მოქალაქეებს, ატარონ პირბადე და დაიცვან სოციალური დისტანცია.
ბათუმის მერიის ინფორმაციით, 17 მაისიდან სამარშრუტო მიკროავტობუსები ქალაქში საღამოს 11 საათამდე იმუშავებენ. საღამოს 11 საათამდე იმუშავებენ ასევე საქალაქო ავტობუსები.
მერიის განცხადებით, 18 მაისიდან სამარშრუტო მიკროავტობუსები მოსახლეობას საღამოს 10 საათამდე მოემსახურება.
ამასთან, „ბათუმის ავტოტრანსპორტის“ ინფორმაციით, ბარცხანის ხიდის რეკონსტრუქციისა და გოგოლის ქუჩაზე მიმდინარე სარეაბილიტაციო სამუშაოების გამო, ზოგიერთ ხაზზე მოძრავი მუნიციპალური ავტობუსების მარშრუტი დროებით შეცვლილია.
დროებითი მარშრუტი ნახეთ ამ ბმულზე
„ავტოტრანსპორტის“ ინფორმაციით, შეცვლილი სამარშრუტო სქემა 2021 წლის დეკემბრამდე იმოქმედებს.
—
დღეიდან, 17 მაისიდან, გადაადგილება საღამოს 11 საათიდან დილის 5 საათამდე იქნება შეზღუდული. შესაბამისი გადაწყვეტილება საკოორდინაციო საბჭომ მიიღო.
საბჭოს გადაწყვეტილებით, კაფეებსა და რესტორნებს მუშაობა შეეძლებათ შაბათ-კვირასაც, მხოლოდ ღია სივრცეში.
კვლავ ძალაშია შეზღუდვა ისეთი სოციალური ღონისძიებების გამართვასთან დაკავშირებით, როგორიცაა: ქორწილი, ქელეხი, ბანკეტი და სხვადასხვა სახის იუბილე.
