Batumelebi | ელგუჯა ბაგრატიონი 1000 ლარით დააჯარიმეს სასაფლაოზე შესვლის მცდელობისთვის ელგუჯა ბაგრატიონი 1000 ლარით დააჯარიმეს სასაფლაოზე შესვლის მცდელობისთვის – Batumelebi
RU | GE  

ელგუჯა ბაგრატიონი 1000 ლარით დააჯარიმეს სასაფლაოზე შესვლის მცდელობისთვის

უმაღლესი საბჭოს წევრი ელგუჯა ბაგრატიონი 1000 ლარით დააჯარიმეს. ის პოლიციელებმა 2 მაისს ადმინისტრაციული წესით მაშინ დააკავეს, როცა საფლავზე შესვლას აპირებდა. გადაწყვეტილება მოსამართლე ალექსანდრე გოგუაძემ მიიღო. 2 მაისს კი, უმაღლესი საბჭოს წევრი ხელწერილის საფუძველზე გაათავისუფლა სასამართლომ.

„საერთოდ არ იყო მტკიცებულებები წარმოდგენილი, რომ მე რამე წინააღმდეგობას ვუწევდი პოლიციას. მხოლოდ სამი პოლიციელი წარმოადგინეს მოწმედ, მათი ჩვენებები ურთიერთსაწინააღმდეგო იყო. ამ გადაწყვეტილებას აუცილებლად გავასაჩივრებთ,“ – უთხრა ელგუჯა ბაგრატიონმა „ბათუმელებს“.

ელგუჯა ბაგრატიონი პოლიციელის კანონიერი მოთხოვნის დაუმორჩილებლობის მუხლით დააჯარიმეს.

2 მაისიდან 4 მაისის ჩათვლით საფლავზე გასვლა პანდემიის მიზეზით აკრძალული იყო. ელგუჯა ბაგრატიონმა სასაფლაოზე შესვლა მას შემდეგ გადაწყვიტა, როცა იქ კონკრეტული მოქალაქეები არ შეუშვეს, მათ შორის, 12 თებერვალს გარდაცვლილი 25 წლის მეხანძრე-მაშველის – თორნიკე კიპაროიძის ქვრივი. ელგუჯა ბაგრატიონი ჟურნალისტებს ელოდა, რომ კამერების თვალწინ შესულიყო სასაფლაოზე. დეპუტატი ზუსტად ამ დროს დააკავეს.

ნეტგაზეთის მასალების სხვა გამოცემებში გადაბეჭდვის წესი
ავტორი