Batumelebi | ვაქცინაცია პანდემიის დამარცხების ერთადერთი შესაძლებლობაა – მიტროპოლიტი დიმიტრი ვაქცინაცია პანდემიის დამარცხების ერთადერთი შესაძლებლობაა – მიტროპოლიტი დიმიტრი – Batumelebi
RU | GE  

ვაქცინაცია პანდემიის დამარცხების ერთადერთი შესაძლებლობაა – მიტროპოლიტი დიმიტრი

დღეს, 10 მაისს, კორონავირუსის საწინააღმდეგო „სინოფარმის“ ვაქცინით აიცრა ბათუმისა და ლაზეთის მიტროპოლიტი დიმიტრი შიოლაშვილი.

„როდესაც ყოველდღიურად, გათენებისთანავე განიცდი ამდენი ადამიანის დაღუპვას, მეგობრის, ახლობლის, საზოგადო მოღვაწეების, როდესაც შენ იცი, რომ ისტორიულად ეს ერთადერთი შესაძლებლობაა ვაქცინაცია პანდემიის დამარცხების, როდესაც ყოველდღიურად ლოცულობ და უფალს ევედრები გიხსნას უცნაური სიკვდილისაგან, ზედმეტი ფიქრის დრო, თავისთავად, აღარ არის,“ – განაცხადა მიტროპოლიტმა დიმიტრიმ ჟურნალისტებთან ვაქცინაციის შემდეგ.

მან მადლობა გადაუხადა სამედიცინო პერსონალს იმ შრომისთვის, რომელიც მათ გასწიეს პანდემიაში.

ბათუმისა და ლაზეთის მიტროპოლიტი დიმიტრი საქართველოს მართლმადიდებლურ ეკლესიაში პირველი მაღალი იერარქიის სასულიერო პირია, რომელიც კოვიდზე საჯაროდ აიცრა.

 

ნეტგაზეთის მასალების სხვა გამოცემებში გადაბეჭდვის წესი
ავტორი
ნანა კვაჭაძე, ჟურნალისტი ელფოსტა: kvachadze.n@gmail.com