ბათუმისა და ლაზეთის მიტროპოლიტი დიმიტრი შიოლაშვილი უკრაინელ ხალხს მიმართავს და გამძლეობას უსურვებს. მიმართვის ტექსტი რუსულ ენაზე ბათუმისა და ლაზეთის ეპარქიამ გამოაქვეყნა.
„ამ სტრიქონებს გწერთ გულისტკივილითა და დიდი თანაგრძნობით.
ჩვენ ვხედავთ, როგორ ინგრევა თქვენს თვალწინ ქალაქები, როგორ იტანჯებიან ბავშვები, დედები, მოხუცები — ადამიანები, რომლებიც არასოდეს უნდა გამხდარიყვნენ ომის მსხვერპლნი.
თქვენი სიმამაცე განსაცვიფრებელია.
თქვენი სიმტკიცე — ეს არის ხმა მთელი კაცობრიობისა, რომელმაც იცის: თქვენ მარტო არ ხართ.
თუნდაც დღეს თქვენს ირგვლივ აფეთქებების ხმა, შიში და გაურკვევლობა იყოს, იცოდეთ — მილიონობით ადამიანი სხვადასხვა ქვეყანაში ფიქრობს თქვენზე, ლოცულობს თქვენთვის და გისურვებთ მშვიდობას.
არცერთი ცრემლი, არცერთი დანაკარგი არ არის დავიწყებული.
ჩვენ გვჯერა, რომ დადგება დღე, როდესაც თქვენი ქალაქები კვლავ აივსება სიცილით, როდესაც ბავშვები ითამაშებენ მშვიდობიანი ცის ქვეშ, როდესაც სირენების ნაცვლად სიცოცხლის მუსიკა აჟღერდება.
უფალმა დაგიფაროთ, მოგცეთ ძალა ამ საშინელი დროის გადასატანად, დაე, ნუ გაქვავდება თქვენი გული და ნუ ჩაქრება იმედი.
უღრმესი პატივისცემითა და მხარდაჭერით, ბათუმისა და ლაზეთის მიტროპოლიტი დიმიტრი შიოლაშვილი“ – ვკითხულობთ მიმართვაში.
