Batumelebi | მიმდინარე კვირაში მძღოლების, მთავრობისა და პარლამენტის წევრების ვაქცინაცია დაიწყება მიმდინარე კვირაში მძღოლების, მთავრობისა და პარლამენტის წევრების ვაქცინაცია დაიწყება – Batumelebi
RU | GE  

მიმდინარე კვირაში მძღოლების, მთავრობისა და პარლამენტის წევრების ვაქცინაცია დაიწყება

საკოორდინაციო საბჭოს გადაწყვეტილებით, მიმდინარე კვირიდან ვაქცინაციის პროცესში საზოგადოებრივი ტრანსპორტის მძღოლები, მთავრობისა და პარლამენტის წევრებიც ჩაერთვებიან.

„ვაქცინაციის პროცესში, სხვა პრიორიტეტულ ჯგუფებთან ერთად, დაემატებიან ტურიზმისა და მასპინძლობის სფეროში დასაქმებული პირები, საზოგადოებრივი ტრანსპორტის მძღოლები და კონტროლიორები.

გარდა ამისა, მუშაობა მიმდინარეობს ე.წ მწვანე პასპორტების შემუშავებაზე, რომელიც ვაქცინაციის სრული კურსის ჩატარების შემდეგ გაიცემა. ასევე სხვადასხვა ტიპის შეღავათების გავრცელება იმ პირებზე, ვისაც ჩატარებული ექნებათ ვაქცინაციის სრული კურსი,“- განაცხადეს დღეს, 4 მაისს, საკოორდინაციო საბჭოს სხდომის შემდეგ.

საქართველოს მთავრობის გადაწყვეტილებით, 4-11 მაისის ჩათვლით უქმე დღეებია გამოცხადებული. შეჩერებულია მუნიციპალური ტრანსპორტის მიმოსვლა. შეზღუდვა არ ეხება საქალაქთაშორისო მიმოსვლას.

ნეტგაზეთის მასალების სხვა გამოცემებში გადაბეჭდვის წესი
ავტორი
ლელა დუმბაძე, ჟურნალისტი. ტელ: [0042] 27 45 12. lelabatumelebi@gmail.com