პირველ მაისს, აღდგომის დღესასწაულის წინა ღამეს, კომენდანტის საათი ამოქმედდება ღამის 9 საათის ნაცვლად ღამის 11 საათზე და დასრულდება 2 მაისს, დილის 4 საათზე.
ამის შესახებ დღეს, 26 აპრილს, საქართველოს მთავრობასთან არსებული უწყებათშორისი საკოორდინაციო საბჭოს ბრიფინგზე განაცხადეს.
აღნიშნული წესი გამონაკლისის სახით იმოქმედებს მხოლოდ დროის ამ მონაკვეთში. 2 მაისს კომენდანტის საათი კვლავ საღამოს 9 საათიდან დილის 5 საათამდე ამოქმედდება.
