მას შემდეგ, რაც ნამახვანჰესის მშენებლობის მოწინააღმდეგეთა ერთ-ერთმა ლიდერმა, ვარლამ გოლეთიანმა დააანონსა, რომ რიონის ხეობაში შეკრებილი აქციის მონაწილეები ქუთაისში ერთ-ერთი ქუჩის პიკეტირებისთვის დაიძრნენ, ბათუმშიც სცადეს „სიმბოლურად“ გადაეკეტათ ქუჩა.
სწორედ ამ დროს, ზებრა გადასასვლელზე პოლიციამ 1 პირი დააკავა. აქციის მონაწილეების თქმით, დაკავებული DJ ბაბა. ის პოლიციის უხეში ზემოქმედების შედეგად სავარაუდოდ დაშავდა. „სალტო გააკეთებინეს და წააქციეს“, – ამბობენ აქციის მონაწილეები.
შესაბამისად, ჩაიშალა „გამაფრთხილებელი გადაკეტვის“ მცდელობა ბათუმში.
აქციის მონაწილეებს დაკავებულთან დაკავშირებით ერთ-ერთმა პოლიციელმა განუმარტა, რომ დაკავებული „დღეს იქნება წინასწარი მოთავსების იზოლატორში, ხვალე გადაიყვანენ სასამართლოში და სასამართლო გადაწყვეტს დაარღვია თუ არა დაკავებულმა კანონი“.
დღეს რამდენიმე ქალაქში გაიმართა რიონის ხეობის მცველების სოლიდარობის აქცია.
დღეს, 24 აპრილს, ვარლამ გოლეთიანმა დააანონსა, რომ თბილისში 23 მაისს გაიმართება ფართომასშტაბიანი აქცია ნამახვანჰესის მშენებლობის შეჩერების მოთხოვნით.
