კულტურული მემკვიდრეობა,მთავარი,სიახლეები

როგორი იქნება ბულვარი ახალი გენგეგმის მიხედვით – გრაფიკული ნაწილი

24.04.2021 • 8745
როგორი იქნება ბულვარი ახალი გენგეგმის მიხედვით – გრაფიკული ნაწილი

ბათუმის ბულვარის გენგეგმის მიხედვით, ის რამდენიმე სეგმენტად არის დაყოფილი დეტალურად არის აღწერილი, თუ როგორ ხედავენ მის განვითარებას სპეციალისტები – ბულვარმა არ უნდა დაკარგოს თავისი ავთენტურობა, არ დაზიანდეს, როგორც ლანდშაფტური პარკი და ასევე ბულვარის კულტურული მემკვიდრეობის ძეგლის ინტერესები. ეს ყველაფერი კანონით არის დაცული.

დოკუმენტს თან ახლავს გრაფიკული ნაწილი, სადაც მოცემულია ვიზუალური მასალა, რომელიც დოკუმენტის ტექსტურ ნაწილზე, სადაც საუბარია კონკრეტული ობიექტების მასშტაბებსა და არქიტექტურაზე ვიზუალურ წარმოდგენას ქმნის.

ამჯერად „ბათუმელები“ სწორედ გენგეგმის გრაფიკულ ნაწილს გთავაზობთ.

პრომენადი და ველობილიკი

გენგეგმაში ერთ-ერთი მნიშვნელოვანი ადგილი ეთმობა პრომენადის, როგორც ფეხით სასეირნო ბილიკისა და მის გასწვრივ ველობილიკის გამართულობას, ასევე პრომენადიდან ზღვაზე ღია გასასვლელებს. პრომენადზე ყოველი ასეთი გასასვლელიდან იშლება ზღვის პანორამა, რომელის არეალშიც არ უნდა განთავსდეს არანაირი ნაგებობა, მცირე ზომის ობიექტიც კი, თუნდაც ეს იყო სკულპტურა.

პრომენადი და ველობილიკი – ესკიზი

პრომენადს უნდა შეუნარჩუნდეს ველობილიკი, თუმცა რეკომენდირებულია მისი გამართვა და საერთაშორისო სტანდარტებზე მორგება. რეკომენდაციებშია ასევე ბულვარის ველობილიკის ქალაქში არსებული ველობილიკების ქსელში ჩართვა.

გენგეგმის თანახმად ეგრეთ წოდებული საოცრებათა მოედანი არაეფექტურად არის გამოყენებული, არ აქვს საკმარისი რეკრეაცია და არ ყალიბდება საინტერესო სივრცედ. რეკომენდირებულია ამ ადგილზე მეტი გამწვანების, ასევე მზისა და ქარისგან დამცავი ელემენტების შეტანა.

საოცრებათა პარკის დასავლეთი ნაწილი, ანბანის კოშკის მიმდებარე ტერიტორია მოაზრებულია, როგორც დიდი ღონისძიებების ჩასატარებელი სივრცე. ამავე სივრცეში შესაძლოა მოეწყოს სავაჭრო დახლები დღესასწაულების დროს, დაიდგას სცენა მუსიკოსებისთვის და ასე შემდეგ.

გენგეგმით გათვალისწინებულია ასევე ეშმაკის ბორბლის გადატანა არდაგანის ტბის მიმდებარე ტერიტორიაზე, გამოთავისუფლებულ 3000 კვ/მეტრამდე ტერიტორიაზე კი შესაძლებელია განთავსდეს ორი შენობა ღამის კლუბების მოსაწყობად. ამ შენობებს უნდა ჰქონდეს დახრილი მოედნის დონეზე დაშვებული გამწვანებული სახურავი.

ალი და ნინოს მიმდებარე ტერიტორია

ბულვარის შესასვლელი

სპეციალისტების შეფასებით, ავთენტური იერ-სახის დასაბრუნებლად აუცილებელია ბულვარის შესასვლელის რეკონსტრუქცია. განაშენიანების გეგმის განმარტებითი ბარათის მიხედვით, ბულვარის შესასვლელმა ისტორიის მანძილზე სახე ბევრჯერ შეიცვალა. ერთ-ერთი უკანასკნელი ჩარევა აქ ქორწინების სახლის მოწყობა იყო.

სპეციალისტები მიიჩნევენ, რომ ეს შენობა ხელს უშლის ბულვარის შესასვლელის აღქმას და უკეთესი გადაწყვეტის შემთხვევაში შენობა უნდა დაინგრეს. გენგეგმით გათვალისწინებულ რეკომენდაციებშია პირველი წყლის აუზის რეკონსტრუქცია, რომელზეც ამჟამად ქორწინების სახლია განთავსებული.

ამ აუზის ნაცვლად გენგეგმა უშვებს ღია საგამოფენო სივრცის მოწყობას ქვედა დონეზე, სადაც მოაზრებულია ბულვარის ისტორიის ფოტომუზეუმის მოწყობა მიწისქვეშა პანდუსური გვირაბით, რომელიც ბულვარში არსებულ ფოტოჯიხურს უნდა დაუკავშირდეს.

აქ ნაშვენებია, როგორ მოიაზრებს გენგეგმა ბულვარის შესასვლელში საგამოფენო სივრცისა და ე.წ. ფოტოსახლის დაკავშირებას გვირაბით

გენგემა ბულვარში მოიაზრებს ასევე  მედიათეკის მოწყობას, სადაც შესაძლებელი იქნება ბიბლიოთეკითა და ინტერნეტით სარგებლობა, პარალელურად ის კაფეს ფუნქციასაც შეითავსებს.

გენგეგმის განმარტებითი ბარათის მიხედვით, აუცილებელია ტერიტორიების გამოთავისუფლება ბულვარში არსებული ჯიხურებისგან, რადგან ისინი რადიკალურად განსხვავდება ერთმანეთისგან იერ-სახით, არქიტექტურული სტილით, მასალითა და მასშტაბით. გენგეგმა ითვალისწინებს მსგავს ობიექტებს მხოლოდ ერთიანი იერ-სახითა და კონცეფციით.

კაფეები

 

სკეიტპარკის სავარაუდო ვიზუალი როგორსაც გენგეგმა ბათუმის ახალ ბულვარში მოიაზრებს

გენგეგმის მიხედვით, ახალ ბულვარში რამდენიმე სკეიტპარკი უნდა მოეწყოს.

გადაბეჭდვის წესი


ასევე: