Batumelebi | ბათუმის რესპუბლიკურს ჩეხეთის მთავრობამ 190 ათასი ევროს აპარატურა გადასცა ბათუმის რესპუბლიკურს ჩეხეთის მთავრობამ 190 ათასი ევროს აპარატურა გადასცა – Batumelebi
RU | GE  

ბათუმის რესპუბლიკურს ჩეხეთის მთავრობამ 190 ათასი ევროს აპარატურა გადასცა

ჩვილის სხივური გამათბობელი, ელექტროკუაგულაციის დანა, რეანიმაციული პედანტი და სამშობიარო საწოლი – ეს სამედიცინო აპარატურა  გადასცა დღეს, 21 აპრილს,  ჩეხეთის საელჩომ ბათუმის რესპუბლიკურ საავადმყოფოს.

ჯამში ბათუმის რესპუბლიკურს 190 ათასი ევროს ღირებულების სამედიცინო აპარატურა გადასცეს.

თანამედროვე სამედიცინო ინვენტარი საავადმყოფოს ჩეხეთის განვითარების სააგენტოსთან გაფორმებული ხელშეკრულების საფუძველზე ჩეხეთის საელჩომ გადასცა.

შეხვედრას დღეს ჩეხეთის რესპუბლიკის საგარეო ურთიერთობის  მინისტრის მოადგილე  მიქელა მარსოვა, ჩეხეთის რესპუბლიკის ელჩი საქართველოში  პეტრ მიკისკა  და  აჭარის ჯანდაცვის მინისტრი ნინო ნიჟარაძე ესწრებოდნენ.

ბათუმის რესპუბლიკური საავადმყოფო კოვიდკლინიკაა.

ნეტგაზეთის მასალების სხვა გამოცემებში გადაბეჭდვის წესი
ავტორი