გარემოს ეროვნული სააგენტოს აჭარის რეგიონალური ჰიდრომეტეოროლოგიური ობსერვატორიის ცნობით, 20 აპრილს ჭარის ტერიტორიაზე 17-22 მ/წმ-მდე სიძლიერის ქარი 17:00 საათამდე შენარჩუნდება.
რაც შეეხება ამინდის პროგნოზს 20 აპრილის 21 საათიდან 21 აპრილის 21 საათამდე, აჭარაში მოსალოდნელია: ცვალებადი მოღრუბლულობა; დროგამოშვებით წვიმა; შესაძლებელია ელვა-ჭექა. იქროლებს ცვალებადი მიმართულების ქარი 10-15 მ/წმ-ში;
ჰაერის ტემპერატურა:
- სანაპირო რაიონებში ღამით 12-17 გრადუსი, დღისით 20-25 გრადუსი სითბო,
- მთაში ღამით 7-12 გრადუსი, დღისით 13-18 გრადუსი სითბო.
ზღვის პროგნოზი:
- სამხრეთ-დასავლეთის ქარი 6-11მ/წმ-ში, დროგამოშვებით წვიმა, შესაძლებელია ელვა-ჭექა. ხილვადობა 4-10 კმ, ტალღის სიმაღლე 7-12 დმ(2-3ბალი), ზღვის წყლის ტემპერატურა +12 გრადუსი.
სინოპტიკოსების პროგნოზით, 22 აპრილს აჭარაში მოსალოდნელია ზოგან დროგამოშვებით წვიმა, 23 და 24 აპრილს კი – ძირითადად უნალექო ამინდი.
