Batumelebi | უაქციზო სიგარეტის შენახვა-გადაზიდვაში მხილებული 79 პირიდან 44 დაკავებულია – სამი თვის სტატისტიკა უაქციზო სიგარეტის შენახვა-გადაზიდვაში მხილებული 79 პირიდან 44 დაკავებულია – სამი თვის სტატისტიკა – Batumelebi
RU | GE  

უაქციზო სიგარეტის შენახვა-გადაზიდვაში მხილებული 79 პირიდან 44 დაკავებულია – სამი თვის სტატისტიკა

საქართველოს ფინანსთა სამინისტროს საგამოძიებო სამსახურის ინფორმაციით, 2021 წლის თებერვალ-მარტში, მარკირებას დაქვემდებარებული დიდი ოდენობით აქციზური საქონლის აქციზური მარკის გარეშე შენახვა-გადაზიდვის 77 ფაქტი გამოვლინდა, დანაშაულის ჩადენაში მხილებულია 79 პირი, რომელთა შორის 44 დაკავებულია.

„საგამოძიებო მოქმედებების შედეგად, დანაშაულში მხილებული პირებისგან ამოღებულია სარეალიზაციოდ განკუთვნილი, სხვადასხვა დასახელების ჯამში 106 532 კოლოფი უაქციზო სიგარეტი, რომლის საბაზრო ღირებულება 446 000 ლარს აღემატება.

გამოძიება მიმდინარეობს საქართველოს სისხლის სამართლის კოდექსის მე-200 მუხლის პირველი, მე-2 და მე-3 ნაწილებით, რაც სასჯელის სახით ითვალისწინებს თავისუფლების აღკვეთას 6-დან 8 წლამდე ვადით,“ – აცხადებს საგამოძიებო სამსახური.

 

ნეტგაზეთის მასალების სხვა გამოცემებში გადაბეჭდვის წესი
ავტორი
თედო ჯორბენაძე, ჟურნალისტი მობ.: 599 139 412 ელ/ფოსტა: tedobatumi@gmail.com