მთავარი,რეკლამა,სიახლეები

ბათუმში ახალი საზღვაო საწვრთნელი ცენტრი გაიხსნა

15.04.2021 • 2127
ბათუმში ახალი საზღვაო საწვრთნელი ცენტრი გაიხსნა

2021 წლის 14 აპრილს, ბათუმში  საზღვაო საწვრთნლი ცენტრი „ქუალშიფ ჯორჯია“ (QUALSHIP GEORGIA MARITIME TRAINING CENTER) ოფიციალურად გაიხსნა.

„ქუალშიფ ჯორჯია“ ქართველ მეზღვაურებს მაღალი დონის, მოკლევადიან საწვრთნელ კურსებს შესთავაზებს. სასწავლებელი აღჭურვილია საერთაშორისო სტანდარტების შესაბამისი თანამედროვე სიმულატორებით და ტრენაჟორებით და ყველა პირობას ქმნის წვრთნების მაღალ დონეზე ჩასატარებლად. „ცენტრში მეზღვაურები პრაქტიკულ ტრენინგებს საგემბანე და სამანქანე განყოფილების ოფიცრები წვრთნას A კლასის ხიდის და ძრავის სიმულატორებზე გაივლიან,“ – აღნიშნა სასწავლებლის ხელმძღვანელმა, სოსლან ჩხაიძემ.  

ცეტრის ხელმძღვანელ პირებს ეკონომიკის სამინისტროს საზღვაო ტრანსპორტის სააგენტოს დირექტორმა თამარ იოსელიანმა საზღვაო სასწავლებლის აღიარების სერტიფიკატი გადასცა და ახალი ტრენინგ-ცენტრის გახსნის მნიშვნელობაზე ისაუბრა. „საზღვაო სფეროში საქართველოსა და საბერძნეთს ძალიან მჭიდრო, ნაყოფიერი თანამშრომლობა აკავშირებთ. ეს ძალიან მაღალ დონეზე აღჭურვილი საზღვაო სასწავლებელიც ამის დასტურია, რომლის გახსნაც მნიშვნელოვანია რამოდენიმე თვალსაზრისით: პირველ რიგში, ქართველი მეზღვაურების პროფესიონალიზმისა და კვალიფიკაციის ამაღლების კუთხით. ბოლო პერიოდში პანდემიის მიუხედავად, მნიშვნელოვნად არის გაზრდილი მოთხოვნა ქართველ მეზღვაურებზე და შესაბამისად მზარდი მოთხოვნაა მოკლევადიან გადამზადების კურსებზეც“. მისი თქმით, „ქუალშიფ ჯორჯია“ მეექვსე საზღვაო საწვრთნელი ცენტრია საქართველოში და ასეთ მაღალ დონეზე აღჭურვილი ტრენინგ-ცენტრის გახსნა, მნიშვნელოვანია ზოგადად საზღვაო სასწავლებლების განვითარებისა და კონკურენციის გაზრდისთვისაც.

სააგენტოს ხელმძღვანელმა ყურადღება გაამახვილა ქართველი მეზღვაურებისა და საქართველოსადმი ბერძნული კომპანიების გაზრდილ ინტერესზე და აღნიშნა, რომ სახელმწიფო მნიშვნელოვან ძალისხმევას დებს ქართველ მეზღვაურთა დასაქმებისა და საზღვაო ბიზნეს გარემოს გასაძლიერებლად: „ძალიან გვახარებს, რომ ბერძნული საზღვაო კომპანიები ინტერესდებიან ქართველი მეზღვაურებით, საქართველოში ინვესტიციების ჩადებით. გასულ წელს ჩვენი მეზღვაურების ყველაზე მსხვილი დამსაქმებელი სწორედ ბერძნულ-ქართული კომპანია – „ელ-ვიქტორი“ იყო. სახელმწიფო საზღვაო დარგის სტრატეგიული განვითარების პოლიტიკის ფარგლებში მხარს უჭერს საზღვაო ბიზნესების განვითარებას ქვეყანაში და ქართველი მეზღვაურების ღირსეულ დასაქმებას“, – განაცხადა თამარ იოსელიანმა.

თამარ იოსელიანმა ახალი საზღვაო საწვრთნელი ცენტრი სასწავლებლის ბერძენ მფლობელთან ალექსანდერ გალანაკისთან და მეზღვაურთა წვრთნის ხელმძღვანელ დიმიტრის კალოსაკასთან ერთად დაათვალიერა.

გადაბეჭდვის წესი


ასევე: