Batumelebi | „ეს არის რეპრესიული პოლიტიკა“ – მესამე სექტორი რიონის ხეობაში კარვების დაშლაზე „ეს არის რეპრესიული პოლიტიკა“ – მესამე სექტორი რიონის ხეობაში კარვების დაშლაზე – Batumelebi
RU | GE  

„ეს არის რეპრესიული პოლიტიკა“ – მესამე სექტორი რიონის ხეობაში კარვების დაშლაზე

დღეს, 12 აპრილს, „სოციალური სამართლიანობის ცენტრის“, „ახალგაზრდა იურისტთა ასოციაციის“ და „მწვანე ალტერნატივას“ ხელმძღვანელებმა ბრიფინგი გამართეს.

„ხელისუფლების ეს ჩარევები არაკონსტიტუციურია,“ – მიიჩნევს ნიკა სიმონიშვილი, ახალგაზრდა იურისტთა ასოციაციის ხელმძღვანელი ნამოხვანში საპროტესტო აქციის შეზღუდვასა და კარვების დაშლაზე.

„თუ ელოდება პოლიცია, რომ რიონის დონემ უნდა აიწიოს და საფრთხე შეექმნებათ პროტესტის მონაწილეებს, მაშინ რატომ არ ხდება სამშენებლო ბანაკებიდან თანამშრომელის ევაკუაცია? ეს ბაზები ზედ მდინარის პირზეა განლაგებული,“ – აღნიშნა დავით ჭიპაშვილმა, ორგანიზაცია „მწვანე ალტერნატივას“ წარმომადგენელმა.

„პოლიციის ეს არგუმენტი არის არადამაჯერებელი, პოლიციის მიზანია წინააღმდეგობის განეიტრალება… სახელმწიფომ არც ალტერნატიული სივრცე შესთავაზა პროტესტის მონაწილეებს,“ – აღნიშნა „სოციალური სამართლიანობის ცენტრის“ აღმასრულებელმა დირექტორმა, ლინა ღვინიანიძემ.

„ეს ცუდი ტყუილებია, რომელსაც ხელისუფლება გვთავაზობს, რომ მოსახლეობამ დაიჯეროს, ცუდ მიზანს ემსახურება ეს პროტესტი,“ – მიიჩნევს საიას ხელმძღვანელი, ნიკა სიმონიშვილი, – „სახელმწიფოს აქვს ერთადერთი პოლიტიკა, ეს არის რეპრესიული პოლიტიკა. გაუგებარია საერთოდ სამინისტროს გადაწყვეტილება კარვების დაშლასთან დაკავშირებით,“ – თქვა მან.

გუშინ, 11 აპრილს, რიონის ხეობაში პოლიციამ დაშალა სოფელ ნამოხვანში რიონის ხეობის მცველების კარვები, რომლებიც პროტესტის ერთ-ერთი მონაწილის მიწაზე იყო განთავსებული. პოლიციის ამ მოქმედებას დილიდან თან ახლდა განსაკუთრებულად დიდი საპოლიციო ძალის მობილიზება და მოძრაობის სრულად შეზღუდვა ნამოხვანის მიმართულებით, მათ შორის კარვების მიმართულებით გადაადგილება შეზღუდული ჰქონდათ საპროტესტო აქციის ლიდერებს.

ამ თემაზე:

გუმათთან გზა ისევ ჩაკეტილია, ადგილზე პოლიცია იმყოფება – აქტივისტი

 

 

ნეტგაზეთის მასალების სხვა გამოცემებში გადაბეჭდვის წესი
ავტორი