მექვევრეობას კულტურული მემკვიდრეობის ძეგლის სტატუსი მიენიჭა

კულტურული მემკვიდრეობის დაცვის ეროვნულმა სააგენტომ „მექვევრეობის ტრადიციას საქართველოში“ არამატერიალური კულტურული მემკვიდრეობის ძეგლის სტატუსი მიანიჭა.

სააგენტოს გენერალური დირექტორის შესაბამისი ბრძანება დღეს, 2021 წლის 12 აპრილს ამოქმედდა.

კულტურული მემკვიდრეობის ძეგლის სტატუსი მანამდე მიენიჭა თავად ქვევრს, ასევე ქვევრის ღვინოს.

ქვევრის ღვინის დაყენების უძველეს ქართულ ტრადიციულ მეთოდს მსოფლიო არამატერიალური კულტურული მემკვიდრეობის სტატუსი მიანიჭა იუნესკომ 2013 წელს.

დიდი ზომის ქვევრი განათავსეს ასევე ბორდოში Cité des Civilisations Du Vin-ის  ცენტრალურ შესასვლელში.

2017 წელს ეროვნულმა ბანკმა ქართული ვაზის თემაზე საკოლექციო დანიშნულების 5 ლარის ნომინალის ვერცხლის მონეტა გამოუშვა, რომლის მთავარ კომპოზიციას წარმოადგენს ოქროსფერი ქვევრის სქემატური გამოსახულება პირობითი ჭრილით. მუქი წითელი ფერით გამოსახულია ღვინო ქვევრში. ქვევრს გასდევს ვაზის გამოსახულება.

საქართველოს პირველი დემოკრატიული რესპუბლიკის  100 წლის იუბილის აღსანიშნავად ბრაზილიის ფოსტამ  ახალი საფოსტო მარკა გამოსცა. მარკაზე საქართველოში აღმოჩენილი უძველესი ქვევრია განთავსებული.

ამ თემაზე:

https://batumelebi.netgazeti.ge/weekly1/12753/