Batumelebi | ბათუმის საბალეტო სკოლაში კოვიდი გამოვლინდა ბათუმის საბალეტო სკოლაში კოვიდი გამოვლინდა – Batumelebi
RU | GE  

ბათუმის საბალეტო სკოლაში კოვიდი გამოვლინდა

ბათუმის ჭაბუკიანის სახელობის საბალეტო სკოლაში კორონავირუსი დამლაგებელს დაუდასტურდა. როგორც სკოლის დირექტორმა „ბათუმელებს“ უთხრა, სწავლება არ გადავა დისტანციურ რეჟიმზე.

„დამლაგებელს დაუდასტურდა კოვიდი, მაგრამ ვესაუბრეთ საზოგადოებრივი ჯანდაცვის ცენტრს, მივიღეთ რეკომენდაციები და გავრცელების რისკი არ არისო გვითხრეს. ჯერჯერობით ვმუშაობთ და არ გადავდივართ დისტანციურზე“, – ამბობს დირექტორი ირმა მსხალაძე.

მისი თქმით, ერთ-ერთ მოსწავლეს ჩაუტარდა დღეს, 9 აპრილს, კორონავირუსზე ტესტი სიმპტომებიდან გამომდინარე, თუმცა პასუხი ჯერ ცნობილი არ არის.

„ერთი მოსწავლე გვყავს სიმპტომებით, რომელიც მეორე საჯარო სკოლაშიც სწავლობს. უკვე აღებული აქვს ტესტი და ველოდებით პასუხს.“

დირექტორის თქმით, დამლაგებელს არ ჰქონდა ხშირი კომუნიკაცია მოსწავლეებთან, რადგან დილით იწყებს დალაგებას და სამუშაოს აგრძელებს სწავლის დასრულების შემდეგ. „ძირითადად ღია სივრცეებს ალაგებს, ამიტომ გავრცელების რისკები მცირეა“, – ამბობს დირექტორი.

დღეს აჭარაში კორონავირუსის 62 ახალი შემთხვევა დადასტურდა.

ნეტგაზეთის მასალების სხვა გამოცემებში გადაბეჭდვის წესი
ავტორი
ლელა დუმბაძე, ჟურნალისტი. ტელ: [0042] 27 45 12. lelabatumelebi@gmail.com