ბათუმი,მთავარი,სიახლეები

დღეს ბათუმში შესაძლოა ქარი გაძლიერდეს – ჰიდრომეტეოროლოგების გაფრთხილება

07.04.2021 • 1284
დღეს ბათუმში შესაძლოა ქარი გაძლიერდეს – ჰიდრომეტეოროლოგების გაფრთხილება

გარემოს ეროვნული სააგენტოს აჭარის რეგიონალური ჰიდრომეტეოროლოგიური ობსერვატორიის ინფორმაციით, აჭარის სანაპიროზე დღეს, 7 აპრილს, საღამოს 21 საათამდე შესაძლოა ქარი გაძლიერდეს.

ობსერვატორიაში აცხადებენ, რომ საქართველოს მახლობლად, თურქეთის ტერიტორიაზე, ქარის სიჩქარემ 18 მ/წამს უკვე გადააჭარბა. სპეციალისტები არ გამორიცხავენ, რომ შესაძლოა ქარი აჭარის ტერიტორიაზეც 18-23 მ/წმ-მდე გაძლიერდეს.

აჭარის რეგიონალური ჰიდრომეტეოროლოგიური ობსერვატორიის პროგნოზით, 7 აპრილის 21 საათიდან 8 აპრილის 21 საათამდე აჭარაში მოსალოდნელია: ცვალებადი მოღრუბლულობა, უმეტესად უნალექოდ, მთებში ზვავსაშიშროება, ცვალებადი მიმართულების ქარი 10-15 მ/წ-ში;

ჰაერის ტემპერატურა:

სანაპირო რაიონებში ღამით 5-10გრადუსი, დღისით 15-20 გრადუსი სითბო,

მთაში ღამით 1-6 გრადუსი, დღისით 7-12 გრადუსი სითბო.

ზღვის პროგნოზი: 

სამხრეთ-დასავლეთის ქარი 7-12 მ/წმ-ში, უმეტესად უნალექოდ, ხილვადობა: კარგი, ტალღის სიმაღლე:
7-12 დმ (2-3ბალი); ზღვის წყლის ტემპერატურა: +11 გრადუსი.

მომდევნო 2 დღეს, 9 და 10 აპრილს, ბათუმსა და მთლიანად აჭარაში მოსალოდნელია დროგამოშვებით წვიმა.

გადაბეჭდვის წესი


ასევე: