ხელვაჩაურში ერთ-ერთ საბავშვო ბაღში ხანძარი გაჩნდა. წინასწარი ინფორმაციით, ცეცხლი ელექტრომოწყობილობას მოედო. ყველა ბავშვი უსაფრთხოდაა.
„ბათუმელებს“ ერთ-ერთმა მშობელმა უთხრა, რომ მას ბაღიდან დაუკავშირდნენ და ბავშვის წაყვანა სთხოვეს.
ამ დროისთვის შენობიდან გაყვანილია ყველა ბავშვი და ცეცხლი ჩამქრალია.
ადგილზე მყოფმა ერთ-ერთმა მეხანძრემ კი „ბათუმელებს“ უთხრა, რომ „ცეცხლი უმნიშვნელო იყო“.
