Batumelebi | სუეცის არხში 400-მეტრიანი გემი მეჩეჩიდან მოხსნეს სუეცის არხში 400-მეტრიანი გემი მეჩეჩიდან მოხსნეს – Batumelebi
RU | GE  

სუეცის არხში 400-მეტრიანი გემი მეჩეჩიდან მოხსნეს

კონტეინერმზიდი Ever Given-ი მეჩეჩიდან მოხსნეს – განაცხადა სატრანსპორტო კომპანია Inchcape Shipping Services-მა. გიგანტურ კონტეინერმზიდს რამდენიმე დღის განმავლობაში ჰქონდა ჩაკეტილი სუეცის არხი, რამაც მილიონობით აშშ დოლარის ზარალი გამოიწვია.

400-მეტრიანი  კონტეინერმზიდი Ever Given-ი სუეცის არხში მეჩეჩზე 23 მარტს შეჯდა, დიაგონალურად გაიჭედა და  არხი მთლიანად ჩაკეტა. პანამის დროშის ქვეშ მცურავი კონტეინერმზიდი ჩინეთიდან როტერდამში მიდიოდა. სუეცის არხში გემების გიგანტური საცობი შეიქმნა.

სატრანსპორტო კომპანიის განცხადებით, არხში საზღვაო მიმოსვლა მას შემდეგ განახლდება, როცა გემი არხის უფრო ფართო მონაკვეთზე გავა.

ფოტო: ევროპის პრესფოტო სააგენტო. EPA/SUEZ CANAL AUTHORITY

ფოტო: ევროპის პრესფოტო სააგენტო. EPA/SUEZ CANAL AUTHORITY

ფოტო: ევროპის პრესფოტო სააგენტო. EPA/SUEZ CANAL AUTHORITY

ნეტგაზეთის მასალების სხვა გამოცემებში გადაბეჭდვის წესი
ავტორი
ნანა კვაჭაძე, ჟურნალისტი ელფოსტა: kvachadze.n@gmail.com