Batumelebi | ქობულეთის მეორე საჯარო სკოლაში 2 მოსწავლეს კოვიდი დაუდასტურდა ქობულეთის მეორე საჯარო სკოლაში 2 მოსწავლეს კოვიდი დაუდასტურდა – Batumelebi
RU | GE  

ქობულეთის მეორე საჯარო სკოლაში 2 მოსწავლეს კოვიდი დაუდასტურდა

აჭარის საზოგადოებრივი ჯანდაცვის ინფორმაციით, ქობულეთის მეორე საჯარო სკოლაში მე-11 და მე-6 კლასის ორ მოსწავლეს კორონავირუსი დაუდასტურდა. აღნიშნული კლასები ონლაინსწავლებაზე გადავიდა.

ამავე სკოლაში კორონავირუსის ერთი შემთხვევა 11 თებერვალსაც დადასტურდა. ჯანდაცვის ცენტრში მაშინ განაცხადეს, რომ კლასში ვირუსის გავრცელების საფრთხე მინიმალური იყო, თვითიზოლაციაში კი მხოლოდ მოსწავლის ოჯახის წევრები იმყოფებოდნენ.

ამ შემთხვევაშიც, როგორც სკოლის დირექტორმა ნანი ცივაძემ გვითხრა, კორონავირუსი ბავშვების მშობლებს დაუდასტურდათ ჯერ და სწორედ მათ შეატყობინეს სკოლას ამის შესახებ.

„ეს ბავშვები პარასკევს იმყოფებოდნენ სკოლაში, თუმცა კლასში ყველა მოსწავლე პირბადითაა და ვიცავთ წესებს. ჩვენ, მასწავლებლებს, ყველა მე-14 დღეს გვიტარდება ტესტიტება, ახლა გავიკეთებთ და ვნახავთ,  ვართ თუ არა რომელიმე პედაგოგი ინფიცირებული.“

განათლების სამინისტროს ბოლო ინფორმაციით, ქვეყნის მასშტაბით მოსწავლეებისა და პედაგოგების 0.1 პროცენტია კოვიდით ინფიცირებული.

ნეტგაზეთის მასალების სხვა გამოცემებში გადაბეჭდვის წესი
ავტორი
ლელა დუმბაძე, ჟურნალისტი. ტელ: [0042] 27 45 12. lelabatumelebi@gmail.com