მთავარი,სიახლეები

პოლიციელზე თავდასხმის ბრალდებით 1 პირი დააკავეს – შსს

06.03.2021 • 984
პოლიციელზე თავდასხმის ბრალდებით 1 პირი დააკავეს – შსს

შს სამინისტროს ინფორმაციით, დააკავეს პირი, რომელმაც პოლიციელების მისამართით რამდენჯერმე გაისროლა.  1980 წელს დაბადებულ პირს სამსახურებრივ საქმიანობასთან დაკავშირებით პოლიციელზე თავდასხმა ედება ბრალად.

„მიმდინარე წლის 5 მარტს ვანის რაიონულ სამმართველოში შევიდა შეტყობინება, რომ არაფხიზელ მდგომარეობაში მყოფი მამაკაცი თავის მოკვლას აპირებდა.

სამართალდამცველებმა მიღებულ შეტყობინებაზე მყისიერი რეაგირება მოახდინეს და დაუყოვნებლივ მივიდნენ შემთხვევის ადგილზე.

სანადირო თოფით შეიარაღებულმა გ.მ.-მ., რომელიც თავის მოკვლას აპირებდა, პოლიციელების დანახვისთანავე მათი მიმართულებით რამდენიმე გასროლა განახორციელა, რის შედეგადაც დაიჭრა ვანის რაიონული სამმართველოს თანამშრომელი.

დაჭრილი პოლიციელი სასწრაფო სამედიცინო დახმარების ბრიგადამ საავადმყოფოში გადაიყვანა, სადაც მას შესაბამისი დახმარება აღმოუჩინეს.  სამართალდამცველის სიცოცხლეს და ჯანმრთელობას საფრთხე არ ემუქრება“.

შსს-ს ინფორმაციით, პოლიციამ ბრალდებული შემთხვევის ადგილზე დააკავა, დანაშაულის ჩადენის იარაღი კი ნივთმტკიცებად ამოიღო,“ – იუწყება შს სამინისტრო.

სამსახურებრივ საქმიანობასთან დაკავშირებით პოლიციელზე თავდასხმის ფაქტზე გამოძიება საქართველოს სსკ-ის 353-ე პრიმა მუხლის მე-2 ნაწილით მიმდინარეობს. დანაშაული 7-დან 11 წლამდე ვადით თავისუფლების აღკვეთას ითვალისწინებს.

გადაბეჭდვის წესი


ასევე: