Batumelebi | 23 ორგანიზაცია ბათუმის ბულვარში მშენებლობის დაუყონებლივ შეჩერებას ითხოვს 23 ორგანიზაცია ბათუმის ბულვარში მშენებლობის დაუყონებლივ შეჩერებას ითხოვს – Batumelebi
RU | GE  

23 ორგანიზაცია ბათუმის ბულვარში მშენებლობის დაუყონებლივ შეჩერებას ითხოვს

23 ორგანიზაცია განათლების, კულტურისა და სპორტის მინისტრის, მაია ხაჯიშვილს მიმართავს და ბათუმის ბულვარში 19-სართულიანი სასტუმროსა და ბალნეოლოგიური ცენტრის მშენებლობის დაუყოვნებლივ შეჩერებას მოითხოვს.

ბათუმის ბულვარში, რომელსაც საბაღე-საპარკე კულტურული მემკვიდრეობის ძეგლის სტატუსი აქვს, კომპანია  „ამბასადორ ბათუმზე“ 19-სართულიანი [დამატებით 3 მიწისქვეშა სართული]  მშენებლობის ნებართვა 21 იანვარს აჭარის კულტურული მემკვიდრეობის დაცვის სააგენტომ გასცა.

ორგანიზაციებში მიიჩნევენ, რომ სააგენტომ გადაწყვეტილება კულტურული მემკვიდრეობის კანონმდებლობისა და ბულვარის მიმართ საჯარო ინტერესების უგულვებელყოფით მიიღო.

„სააგენტომ ბულვარში 19-სართულიანი კომპლექსის მშენებლობაზე ნებართვა ძეგლის რეაბილიტაციის სტატუსით გასცა, რაც, კანონმდებლობით, ძეგლის გაუმჯობესების სამუშაოებს გულისხმობს. კანონმდებლობის მოთხოვნების მიუხედავად, სასტუმროს კომპლექსის მშენებლობაზე ნებართვის გაცემისას არ იყო გამოკვლეული, შეფასებული და დასაბუთებული, თუ როგორ გააუმჯობესებს მასშტაბური სასტუმრო კომპლექსის მშენებლობა ან/და მისი შემდგომი ექსპლუატაცია ბულვარის ტერიტორიას, რომელსაც ძეგლის სტატუსი უპირველესად ბულვარის ავთენტურობისა და საჯარო სარეკრეაციო გამოყენების მაქსიმალური შენარჩუნების უზრუნველსაყოფად მიენიჭა“ – ნათქვამია განცხადებაში, რომელსაც ხელმომწერი ორგანიზაციები ავრცელებენ.

მიმართვას ხელს აწერენ:

  • საზოგადოება “ბათომი”
    ადამიანის უფლებების სწავლებისა და მონიტორინგის ცენტრი (EMC)
    ICOMOS საქართველო
    ლურჯი ფარის საქართველოს ეროვნული კომიტეტი
    ქალაქზე მზრუნველთა გაერთიანება – “ტფილისის ჰამქარი“
    ღია საზოგადოების ფონდი – საქართველო (OSGF)
    სამოქალაქო მოძრაობა – “დაიცავი ბათუმის ბულვარი”
    სამოქალაქო მოძრაობა „პარტიზანული მებაღეობა“
    მწვანე ალტერნატივა
    სამოქალაქო მოძრაობა – “მწვანეები”
    სამოქალაქო მოძრაობა – “დიღმის ჭალები”
    “იარე ფეხით”
    გურიის სამოქალაქო ცენტრი
    სათემო განვითარების ცენტრი
    თავისუფალ ჟურნალისტთა სახლი
    დემოკრატიის ინსტიტუტი
    მწვანე სექტორი
    საქართველოს ახალგაზრდა იურისტთა ასოციაცია (GYLA)
    სამართლიანი არჩევნებისა და დემოკრატიის საერთაშორისო საზოგადოება (ISFED)
    დემოკრატიული ჩართულობის ცენტრების ქსელი (NCEE) ბათუმის ოფისი
    სამოქალაქო საზოგადოების ინსტიტუტი (CSI) ბათუმის ფილიალი
    აღმოსავლეთ ევროპის ცენტრი მრავალპარტიული დემოკრატიისთვის (EECMD)
    არაძალადობრივი სტრატეგიული სამოქალქო კამპანიების მხარდამჭერის ცენტრი – კანვას საქართველო

ორგანიზაციები მოითხოვენ  აჭარის განათლების, კულტურისა და სპორტის სამინისტრომ:

● წარდგენილი ადმინისტრაციული საჩივრის არსებით განხილვამდე დაუყოვნებლივ შეაჩეროს ბულვარში მიმდინარე სამშენებლო სამუშაოები.
● გააუქმოს აჭარის კულტურული მემკვიდრეობის დაცვის სააგენტოს გადაწყვეტილება ბულვარში 19- სართულიანი სასტუმროს მშენებლობაზე და აღკვეთოს ძეგლზე მიმდინარე უკანონოდ დაკანონებული სამშენებლო პროცესები.
● მოვითხოვთ მორატორიუმი გამოცხადდეს ბულვარის ტერიტორიაზე ნებისმიერ სამშენებლო განვითარებაზე ბათუმის ბულვარის განაშენიანების გეგმის დამტკიცებამდე.

ნეტგაზეთის მასალების სხვა გამოცემებში გადაბეჭდვის წესი
ავტორი