საქართველოში ბოლო 24 საათში 22 900 კვლევა ჩატარდა და ვირუსით ინფიცირების 461 ახალი შემთხვევა დადასტურდა.
2 მარტის მონაცემებით, ბოლო დღე-ღამის განმავლობაში საქართველოში კორონავირუსით 12 ადამიანი გარდაიცვალა. პანდემიის გავრცელებიდან დღემდე ვირუსით ჯამში 3 532 პირი გარდაიცვალა.
პირველი მარტის მდგომარეობით, დადებითობის დღიური მაჩვენებელი არის 2.01 %, ბოლო 14 დღის – 1.78 %, ხოლო 7 დღის – 1.4%.
დღეის მონაცემებით, საქართველოში ინფიცირების მიმდინარე აქტიური შემთხვევა არის 2 135, მათგან 1 471 ადამიანი მკურნალობს საავადმყოფოში. ხელოვნური სუნთქვის აპარატზე იმყოფება 102 პაციენტი, 515 პირი ვირუსს მკურნალობს საცხოვრებელ ბინაზე.
ამ ეტაპისთვის თვითიზოლაციაში იმყოფება 6 497 ადამიანი, მათ შორის, თბილისში – 3 089 პირი, აჭარაში – 394, იმერეთში – 688.