გარემოს ეროვნული სააგენტოს აჭარის რეგიონალური ჰიდრომეტეოროლოგიური ობსერვატორიის ცნობით, პირველი მარტის 21 საათიდან 2 მარტის 21 საათამდე აჭარაში მოსალოდნელია ცვალებადი მოღრუბლულობა, ღამით წვიმა, დღისით – უმეტესად უნალექოდ.
იქროლებს ცვალებადი მიმართულების ქარი 10-15 მეტრი წამში.
მთიან აჭარაში მოსალოდნელია თოვა და ზვავსაშიშროება.
ჰაერის ტემპერატურა სანაპირო რაიონებში იქნება:
- დღისით: 8 – 13 გრადუსი სითბო
- ღამით: 3 – 8 გრადუსი სითბო
მთიან მუნიციპალიტეტებში მოსალოდნელია:
- დღისით: 0 – 5 გრადუსი ყინვა
- ღამით: 5 – 10 გრადუსი ყინვა
სინოპტიკოსების ცნობით, 3 მარტს მოსალოდნელია უმეტესად უნალექო ამინდი. მომდევნო ორ დღეს, 4-5 მარტს კი, აჭარაში მოსალოდნელია წვიმა, მთაში – თოვა და ზვავსაშიშროება.
